پارێزگه‌رێ دهۆكێ دخوازیت پولونیا هاریكاریا ئاواره وپه‌نابه‌رێن پارێزگه‌هێ وخوجهێن ده‌ڤه‌رێ بكه‌ت
ئەڤرۆ نیوز
ل شه‌ڤا 10 ل سەر 2018/12/11 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا خانم(بیێتا كێمپ) وه‌زیرا گه‌شه‌پێدانا مروڤایه‌تى یا حكومه‌تا پولونیا وشاندێ دگه‌لدا كر.
دهه‌ڤدیتنه‌كێدا ب ئاماده‌بونا زیاد ره‌ئوف نوینه‌رێ حكومه‌تا هه‌رێمێ ل پولونیا و اسماعیل محمد احمد هاریكارێ پارێزگه‌رى بو كاروبارێن مروڤایه‌تى به‌حسێ ره‌وشا پارێزگه‌ها دهوكێ وره‌وشا ئاواره وپه‌نابه‌ران ل سنورێ پارێزگه‌هێ وئه‌و خزمه‌تا بو دهێته پێشكێشكرن هاته كرن.
پارێزگه‌رێ دهوكێ رونكرن دانه سه‌ر جوگرافیا پارێزگه‌هێ وده‌ڤه‌ردارى وناوچه‌داری وسه‌رژمێریاریا رونشتڤانێن وێ وهاتنا ژماره‌كا زور یا ئاواره وپه‌نابه‌ران بو سنورێن پارێزگه‌هێ وئه‌و بارگرانیا وان ئێخستیه سه‌ر هه‌موو سه‌كته‌رێن خزمه‌تكارى وخه‌لكێ خوجهێ ده‌ڤه‌رێ وخواست كو وه‌لاتا پولونیا هاریكاریا ئاواره وپه‌نابه‌رێن پارێزگه‌هێ وخوجهێن ده‌ڤه‌رێ بكه‌ت وره‌وشا وان ژلایێ خزمه‌تگوزاریڤه خوشكه‌ت.
ژلایێ خوڤه وه‌زیرا گه‌شه‌پێدانا مروڤایه‌تى یا حكومه‌تا پولونیا دیاركر كو ئه‌و هاتینه دا ژنێزیك ره‌وشا ئاواره وپه‌نابه‌ران بزان ویا دشیان دا بو بهێته كرن.
هه‌ژى گوتنێ یه خانم(بیێتا كێمپ) وه‌زیرا گه‌شه‌پێدانا مروڤایه‌تى یا حكومه‌تا پولونیا وشاندێ دگه‌لدا ئه‌ڤرو سپێدێ 10-12-2018سه‌را كه‌مپا خانكێ وچه‌ند جهێن ئاواره‌یان ل ناڤ كومه‌لگه‌ها خانكێ دا وژنێزیك هایدارى ره‌وشا وان وپێدڤیێن وان یێن روژانه ببون.
