پارێزگه‌رێ دهۆكێ دخوازیت کۆمپانیێن بەلجیکی رۆلێ خۆ د ئاڤاکرنا دەڤەرێ دا ببینن
ئەڤرۆ نیوز:
فه‌رهاد ئه‌مین ئه‌ترووشى پارێزگه‌رێ دهۆكێ ئەڤرۆ پێشوازیا (لوك لویلن ) سه‌روكێ ژوورا بازرگانی یا پارێزگه‌ها فلانده‌رزل یا بەلجیكى كر و د ھه‌ڤدیتنه‌كێ دا به‌حسێ ره‌وشا بازرگانى و ئابوورى یا هه‌رێما كوردستانێ ب گشتى و پارێزگه‌ها دهۆكێ ب تایبه‌تى و چاوانیا خورتكرنا تێكه‌لیێن بازرگانى و ئابوورى د ناڤبه‌را هه‌ردو پارێزگه‌هێن دهۆك و فلانده‌رزل یا بەلجیكى هاته كرن.
پارێزگه‌رێ دهۆكێ داخواز كر كو كۆمپانیێن وه‌لاتێ به‌لجیكا رۆلێ خۆ د پروژێن ئاڤاكرنا ده‌ڤه‌رێ دا ببینن و تێكه‌لیێن بازرگانى و ئابوورى د نافبه‌را هه‌ردو وه‌لاتان دا ب گشتى و پارێزگه‌ها دهۆك و فلانده‌رزل دا ب تایبه‌تى په‌یدا ببن و خورت ببن.
ژلایێ خۆ ڤه سه‌روكێ ژوورا بازرگانى یا باژێرێ نافبرى خوشحالیا خو دیار كر ب سه‌ره‌دانێ و دیار كو ئه‌و دێ هه‌مى بزاڤا كه‌ن كو كۆمپانیێن وه‌لاتێ وان و تایبه‌ت یێن باژێرێ وان رۆلێ خو د بزاڤا بازرگانى و ئابوورى و ئاڤا كرنا كوردستانێ دا ببینن.
