پارێزگه‌رێ دهۆکێ گرێبه‌سته‌ك ل گه‌ل رێكخراوا UNDP بۆ به‌رهه‌مئینا کارەبێ ژ تیشكا روژێ ئیمزا كر
ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ ئەڤرۆ پێشوازیا خاتون(زێنه عه‌لى احمد) به‌رپرسا رێكخروا UNDPل عیراقێ و(ڤێنسنت پوپیو) كونسلێ ئێكه‌تیا ئه‌ورپا ل هه‌رێمێ وشاندێ دگه‌لدا كر .
دهه‌ڤدیتنه‌كێدا ب ئاماده‌بونا جێگرێ پارێزگه‌رێ دهوكێ وسه‌روكێ زانكویا دهوك وهاریكارێ پارێزگه‌رى بو كاروبارێن مروڤایه‌تى ورێڤه‌به‌رێ كاره‌بێ به‌حسێ سه‌روبه‌رێ پارێزگه‌ها دهوكێ وره‌وشا كاره‌بێ وهه‌ولێن پارێزگه‌ها دهوكێ ژبو زێده‌كرنا رێژا به‌رهه‌مئینانا كاره‌بێ ب تایبه‌تى به‌رهه‌مئینا ووزا تیشكا روژێ هاته كرن.
پاش درێ ورسمه‌كێ تایبه‌ت دا پارێزگه‌رێ دهوكێ گرێبه‌سته‌ك دگه‌ل به‌رپرسا رێكخروا UNDPل عیراقێ ژبو به‌رهه‌مئینا ووزا تیشكا روژێ واژو كر.
پارێزگه‌رێ دهوكێ دكونگره‌كێ روژنامه‌ڤانى دا سوپاسیا رێكخروا UNDP وئێكه‌تیا ئه‌ورپى كر ژبو چێكرنا پروژێ به‌رهه‌مئینانێ ژتیشكا روژێ وگوت: ئه‌ڤ پروژه به‌رهه‌مێ وان دان وستاندن وپلانایه یێن مه ب هه‌ڤكارى دگه‌ل رێكخروا UNDP وئێكه‌تیا ئه‌ورپى ئه‌نجامداین ژبو به‌رهه‌ئینانا كاره‌بێ ژ ژێده‌رێن ساخله‌م وژینگه‌ه پاقژ .
هه‌روه‌سا گوت: پروژه یێ بچیكه لێ زور یێ گرنگه و ده‌ست پێكه‌كا باشه كو پتر بهێته پێشئێخستن ولبه‌راهیێ دێ ل ناڤ كومه‌لگه‌ها زانكویا دهوكێ هێته دانان و(2) میگاواتێن كاره‌بێ دێ به‌رهه‌مئینیت وب رێژا 35% دێ كاره‌بێ بو كومه‌لگه‌ها زانكویا دهوكێ دابینكه‌ت وهیڤى خاستن كو ل پاشه‌روژێ پتر په‌ره ب ڤى پروژه‌ى بهێته دان چونكو وزه‌كا پاقژ ساخله‌م به‌رهه‌مدئینیت.
پاش جودا جودا به‌رپرسا رێكخروا UNDPل عیراقێ وكونسلێ ئێكه‌تیا ئه‌ورپا ل هه‌رێمێ په‌یڤێن خو خاندن وگرنگیا چێكرنا ڤى پروژه‌ى به‌رچافكرن.
هه‌ژى گوتنێ یه پروژه بكوژمێ (2) ملیون دولارا دێ هێته ئه‌نجامدان و(2) میگاواتێن كاره‌بێ ژتیشكا روژێ دێ به‌رهه‌مئینیت وئێكه‌تیا ئه‌ورپى پارێ بجه ئینانێ دابینكریه بریاره دماوێ دوو سالان دا بكه‌ڤیته دخزمه‌تا كومه‌لگه‌ها زانكویا دهوك دا.
