پارێزگه‌ها دهۆكێ داخواز ژ فه‌رمانگه‌هێن حكومى دكه‌ت رۆژێن OFF نه‌مينن
ئه‌ڤرۆنيوز:
پارێزگه‌ها دهۆكێ دنڤيساره‌كێ دا بۆ قايمقاميێن قه‌زا دهۆكێ وهه‌موو فه‌رمانگه‌هێن ميرى ل پارێزگه‌هێ دكه‌ت پێگيرى ب ده‌واما فه‌رمى بهێته كرن ورۆژێن OFF نه‌مينن وفه‌رمانبه‌رێ پێگير نه‌بيت پێرابوونێن قانوونى دگه‌لدا بهێنه ئه‌نجامدان.
پارێزگه‌ها دهۆكێ دنڤيسارا خوه دا يا هژمار 2671 ل 26/6/2018 كو ئێمزا ( فه‌رهاد ئه‌مين) پارێزگه‌رێ دهۆكێ ل سه‌ره كو هاتيه ئاراسته‌كرن بۆ هه‌موو قايمقامى و فه‌رمانگه‌هێن ميرى ل پارێزگه‌هێ دبێژيت ” ژبه‌ر به‌رژه‌وه‌نديا گشتى ورێكخستنا كارێ پرۆسا ده‌واما فه‌رمى ل داموده‌زگه‌هێن ميرى ل سنورێ پارێزگه‌هێ، پێدڤيه پێگيرى ب ده‌مێ ده‌واما فه‌رمى بهێته كرن ژ ده‌مژمێر 8:15 سپێدێ هه‌تا 2:45 “.
هه‌ر دوێ نڤيسارا پارێزگه‌ها دهۆكێ دا هاتيه” پرۆسا ئێكگرتى بۆ په‌نجه‌مورا رۆژانه ب شێوێ (ئه‌لكترۆني) بهێته بكارئينان ورۆژێن دهاتنه دان بۆ فه‌رمانبه‌ران نه‌مينن وپێرابوونێن قانوونى بهێنه ئه‌نجامدان به‌رامبه‌ر هه‌ر فه‌رمانبه‌ره‌كێ پێگيريێ نه‌كه‌ت”.
