پارێزەرێ مەلا عەلی کەلەک بو ئەڤرو نیوز سزایێن وی ئاشکرا دکەت
ئەڤرو نیوز ، نەوزاد زادە ھلۆری:
نیڤرویا ئەڤرو دادگەھا بەردەرەش د نووترین رونشتنا دادگەھکرنا “مەلی عەلی کەلەک ” دا چەند سزایەکێن نوو لسەر بجھکرن.
دڤی واریدا “پارێزەر تارق “پارێزەرێ مەلا عەلی کەلەک بو ئەڤرو نیوز گۆت: (ئەڤرو دادگەھا بەردەڕەش د نووترین رونشتنا دادگەھکرنا “مەلی عەلی کەلەک “دا بریار دا کو “مەلا عەلی کەلەک “بۆ دەما سێ مەھان بھێتە زیندانکرن بێی کو بریار بچیتە دوارێ بجھکرنێ دا ، بەلێ ئەگەر د ماوەیێ سێ سالان دا تاوانەک ئەنجام دا جارەک دن ئەو سزا دێ بو زڤریت ڤە ، و ھەروەسا ل گورەی ماددەیا ٩٩ یا قانونا وەزارەتا ساخلەمیێ دڤێت سووزنامەکێ بنڤیسیت و ٣٠ ھزار دیناران ژی وەکو گەرنتی بدانیت”
زێدەتر گۆت: ( دادگەھێ چوو بریار ل بارا گرتنا جھێ مەلا عەلی نەداینە ، بەلێ ئەگەر وی بڤێت جارەک دن دووبارە جھێ خوە بدانیت ڤە و دەست ب کارێ خوە بکەت ، دڤێت مولەتێ ژ حکومەتا ھەرێما کوردستانێ و وەزارەتا ساخلەمیێ وەربگریت ژبەرکو ھەتا ئەو مولەتێ نەدەن مەلا عەلی ئەو نکاریت دووبارە ڤە بکەتن ڤە )
دھێتە زانین کو بەری نھا لسەر سکالا وەزارەتا ساخلەمیێ مەلا عەلی کەلەک ب تومەتا دانا کلینسان بو ژنەکێ و مەترسی ئێخستنە سەر ژیانا وێ ھاتبویەگرتن و دوڤدا ژلایێ دادگەھا دھۆک ب کەفالەت ھاتە ئازادکرن.
