پارێ پشکنینان ل گۆمرکان ھاتە زێدەکرن
ئەڤرۆ نيوز:
وەزارەتا دارایی و ئابووری یا حوکمەتا ھەرێما کوردستانێ دوھی رۆژا 17-4-2016 د نڤیسارەکێ دا کو ئیمزایا رابەر سەدیق، بریکارێ وەزارەتا دارایی و ئابووری ب وەکالەت ل سەرە پارێ پشکنینان د ناڤ رێڤەبەریێن گۆمرکان دا زێدەکر.
د وێ نڤیسارێ دا ھاتیە کو ژبوو پێداچوونێ د رێکستنا پارێ پشکنینان دا پێدڤیە کار ب ڤان خالان بھێتەکرن، یا ئێکێ: پارێ پشکنینا ترۆمبێلێن بارھەلگر ھەتا دو تەنان ژ پێنج ھزار دیناران بۆ 10 ھزار دیناران ھاتە زێدەکرن، یا دویێ: پارێ پشکنینا ترۆمبێلێن بارھەلگرن ژ دو تەنان زێدەتر ژ 10 ھزار دیناران بوو 20 ھزار دیناران ھاتە زێدەکرن، یا سێیێ: پشکنینا ژ دەرڤە ژ 25 ھزار دیناران بۆ 50 ھزار دیناران ھاتە زێدەکرن، یا چارێ: ئێک کغم زێری ژ 25 ھزار دیناران بۆ 40 ھزار دیناران ھاتە زێدەکرن، یا پێنجێ: ئێک کغم زیڤی ژ پێنج ھزار دیناران بۆ 10 ھزار دیناران ھاتە زێدەکرن، یا شەشێ: پشکنینا ترۆمبێلان ژ 7 ھزار و 500 دیناران بۆ 15 ھزار دیناران ھاتە زێدەکرن، یا حەفتێ: پێنج ھزار دینار بۆ پشکنینا ترۆمبێلێن (تەکسی و تایبەت) دێ ھێنە وەرگرتن، یا ھەشتێ: ئێک کغم زیڤی ژ 50 ھزار دیناران بۆ 75 ھزار دیناران ھاتە زێدەکرن.
