پارە بۆ کۆمسیونا ھەلبژارتنان ھاتنە دابینکرن
ئەڤرۆ نيوز:
حوکمەتا ھەرێما کوردستانێ ١٦ ملیار دینار بۆ کۆمسیۆنا بلندا ھەلبژارتنان و راپرسێ ل ھەرێما کوردستانێ دابینکرن، زێدەتر ژ ٥٠٠ کارمەندان ژی دھێنە دامەزراندن.
ھندرین محەمەد سەرۆکێ کۆمسیۆنا بلندا ھەلبژارتنان و راپرسیێ ل ھەرێما کوردستانێ راگەھاند:حوکمەتا ھەرێما کوردستانێ بریارە دا نێزیکی ١٦ ملیار دینار بۆ کۆمسیۆنا بلندا ھەلبژارتنێن ھەرێما کوردستانێ دابینکرن، رەزامەندی ھاتیە وەرگرتن و ئەو پارە ژی بۆ دەربازرکرنا کارو بارێن ئوفیسێن وێ ل ھەمو ھەرێمێ،لێ هه‌تا نھا ئەو پارە نەگەھشتیە دەستێ وان و بریارە ل دەمەکێ نیزیک دا بگەھتە دەستێ کۆمسیۆنێ.
ناڤبری ئەو چەندە ژی دیارکر ل پارێزگەھێن ھەرێما کوردستانێ لەقێن کۆمسیۆنێ دھێنە ڤەکرن و ھەر لەقەک ژی زێدەتر ژ ٥٠ کارمەندان بو دھێنە دانان، بۆ دەربازرکرنا کاروبارێن کۆمسیۆنێ ل توخیبێ وان پارێزگەھان.
دەربارێ دامەزراندنا کارمەندێن کۆمسیۆنێ کو تەڤایا ئەوان فەرمانبەران ب شێوازێ فەرمی ھێنە دامەزراندن نەک ب گرێبەست.
ھندرین ئەو چەندە ژی دیارکر داخوازا دامەزراندنا زێدەتر ژ ٥٠٠ کارمەندان کریە بۆ کۆمسیۆنێ، کو حوکمەت رەزامەندی ل سەر کریە، ھەر کەسەکێ بڤێت دابمەزریت وەک کارمەندێ کۆمسیۆنێ دڤێت فۆرمێ تژی بکەت، پاشی چاڤپێکەتن ل گەل دھێتەکرن ،لەورا ھەر دەمێ بریارا حوکمەتا ھەرێما کوردستانێ گەھشتە دەستێن مە ئەوی دەمی کۆمبوونەێ کەین و تەڤایا ھووردەکاریێن شێوازێ دامەزراندنێ به‌چاڤ كه‌ين.