پتريا وه‌زيرێن حوكمه‌تا نوو يا عه‌بادى خودان دو ناسنامه نه
ئه‌ڤرۆ نيوز:
پتريا كانديدێن حوكمه‌تا ته‌كنوكرات هه‌لگرێن ره‌گه‌زنامێن وه‌لاتێن دى نه ژبلى ره‌گه‌زناما عيراقى و داخواز دهێته كرن كو ل ئه‌گه‌رێ وه‌رگرتنا باوه‌ريێ دا، ده‌ستبه‌ردارى ره‌گه‌زنامێن خوه يێن بيانى بن.
ژێده‌ره‌كێ نێزيك ژ نڤيسينگه‌ها سه‌رۆك وه‌زيرێن عيراقێ ئاشكه‌را كر كو پتريا ئه‌و ناڤێن سه‌رۆك وه‌زيرێن عيراقێ دێ ل ڤان نێزيكان ئاشكه‌را كه‌ت بۆ وه‌رگرتنا وه‌زاره‌تان د كابينا ته‌كنتۆكرات دا، ژبلى ره‌گه‌زناما عيراقى، رىگه‌زنامه‌كا وه‌لاته‌كێ ئه‌ورۆپى ژى هه‌يه و چه‌ند كانديده‌ك ژى هه‌لگرێن ره‌گه‌زنامێن ئه‌مريكى نه.
ب گۆتنا ژێده‌رى ل ئه‌گه‌رێ وه‌رگرتنا باوه‌ريێ ب وه‌زاره‌تان داخواز ژ وه‌زيران دكه‌ت ده‌ست به‌ردارى ره‌گه‌زنامێن بيانى ببن، هه‌كه نه‌بن ژى به‌رپرس بن ل به‌رامبه‌ر هه‌ر لێپرسينه‌كا قانوونى دا و ل دادگه‌هێن عيراقى بهێنه دادگه‌هكرن.
پێشتر ژ ئه‌گه‌رێ وێ چه‌ندێ كو چه‌ندين وزيران ره‌گه‌زنامێن بيانى هه‌بوون، ل ده‌مێ ئاشكه‌رابوونا گه‌نده‌ليان دا عيراق ب جهـ دهێلا و نه‌دشيان وه‌كو پێدڤى لێپرسينێ ل گه‌ل بكه‌ت.
