پتری ١٧ ملیار دینار بۆ کەسوکارێن شەھید و ئەنفالکریان دھێنە مەزاختن
ئەڤرۆ نیوز:
بریکارێ وەزارەتا شەھید و ئەنفالکریان ل حوکمەتا ھەرێما کوردستانێ دیار کر، وان داخواز ژ زانکۆیێن ئەھلی کریە کو کرێیا خواندنێ بۆ وان قوتابیان ڤەگەڕینن کو ژ دەرچوویێن ئێکێ یێن زاکۆیانە و کەسوکارێن شەھید و ئەنفالکریانە و دبێژیت: پتری ١٧ ملیار دینار بۆ کرێیا وان قوتابیان ھاتینە مەزاختن.
بەرەڤان حەمدی، بریکارێ وەزارەتا شەھید و ئەنفالکریان ئاشکرا کر، رازیبوونا وەزارەتا دارایی و ئابووری و جڤاتا وەزیران ھاتیە وەرگرتن بۆ مەزاختنا ١٧ ملیار و ٣٠٦ ملیۆن و ٥٥٣ ھزار و ٦٠٠ دیناران وەکو کرێیا خواندنێ بۆ سالا ٢٠١٧ – ٢٠١٨ یا کەسوکارێن شەھید و ئەنفالکریان و گۆت: “د دەمێ ڤان ھەیڤێن بھێن دا ئەو کۆژمێ پارەی دێ ھیچتە مەزاختن”.
بەرەڤانی بۆ باسنیوز گۆت: “ب تنێ کرێیا سالا خواندنێ یا ٢٠١٨ – ٢٠١٩ یا کەسوکارێن شەھید و ئەنفالکریان، ل سەر وەزارەتێ دێ مینیت، لێ د سالا بھێت دا ئەو ژی دێ ھێتە مەزاختن”.