پتر ژ 40 قوتابخانێن پەروەردا دھۆک رۆژئاڤا دەست ب دەوامێ دکەن
ئەڤرۆ:
رێڤەبەرێ پەروەردا دھۆک رۆژئاڤا عومەر ئەحمەد قاسم دیارکر کو وان پلانەک ل گەل ھەموو سەرۆک پشکێن پەروەردێ دانایە کو ل ھەر تاخەکێ باژێری چەند قوتابخانەک بھێنە ڤالا کرن و ئاواراێن وان بۆ ھندەک جھێن دی بھێنە ڤەگوھاستن، گۆت ژی ب پشتەڤانیا پارێزگەھا دھۆکێ و قایمقامیا دھۆکێ و ب ھەڤکاریا رێڤەبەر و مامۆستا و سەمیانێن قوتابیان و خەلکێ وان تاخێن قوتابخانە لێ ئەم شیاین ھژمارەکا قوتابخانان ڤالا بکەین و رێژەکا باش یا پلانا خوە بجە بینین و دەست ب دەوامێ ل وان قوتابخانان بکەین.
عومەر ئەحمەد قاسم خویا ژی کر کو ھێشتا ھندەک قوتابخانێن دی یێن ماین د پلانا وان دایە ڤالا بکەن دا پرۆسا خواندنێ ل وان تاخان ژی دەست پێ بکەت و گۆت ئەم بەردەوام و ب ھەموو رەنگان یێ کاری ل سەر وان ژی دکەین و ھیڤی دکەین خەلکێ وان تاخان و رێڤەبەرێن قوتابخانان و سەمیانێن قوتابیان ھاریکاریا مە بکەن، داکو ھەموو قوتابیێن مە بشێن دەوامێ بکەن.
ئاشکرا ژی کر کو پتر ژ 40 قوتابخانان ل سنوورێ پەروەردا دھۆک رۆژئاڤا نوکە دەواما ئاسایی یا سالا خواندنێ 2014-2015 لێ دھێتە کرن پشتی ژ ئاواران ھاتینە ڤالا کرن.
