پرۆژێن ئاکنجیکرنێ دێ ژ چارچوڤێ وەبەرھێنانێ ھێنە دەرخستن
ئەڤرۆ:
ئەندامەکێ پەرلەمانێ کوردستانێ ژ فراکسیۆنا زەر راگەھاند کو وان داخواز ژ سەرۆکاتیا جڤاتا وەزیران کریە پرۆژە قانوونا وەبەرھێنایێ یا سالا ٢٠٠٦ راستڤە بکەن و کۆمەکا گوھڕینان تێدا بکەن و پرۆژێ راستڤەکری بۆ پەرلەمانی بھنێرن، چونکو ئەڤ بابەتە یێ گرێدای حوکمەتێ یە.
فەرسەت سۆفی بۆ رۆژناما ئەڤرۆ دیار کر کو ئەڤ پرۆژە بۆ وی دەمی تشتەکێ باش بوو، لێ پێدڤیە بۆ نوکە گوھۆڕین تێدا بھێنە کرن و ب پێدڤی زانی پرۆژێن ئاکنجیکرنێ د چوار چوڤێ قانوونا وەبەرھێنانێ دا بھێتە دەرخستن و گۆت:(پێدڤیە گوھۆڕین ژ تەرخانکرنا ئەردی و بەخشینێ و رێژا باجێ و سەرەدەریکرنێ ل گەل وەبەرھێنەرێن بیانی بھێنە کرن).
