پرۆژێ قانوونا پارڤه‌كرنا ده‌سته‌لاتێن سه‌رۆكێ هه‌رێمێ هاته په‌سه‌ندكرن
ئه‌ڤرۆ نيوز:
په‌رله‌مانێ كوردستانێ پرۆژێ قانوونا پارڤه‌كرنا ده‌سته‌لاتێن سه‌رۆكاتيا هه‌رێمێ ب سه‌ر دامه‌زراوێن گشتى يێن هه‌رێمێ دا ب ده‌نگێ 70 په‌رله‌مانتاران هاته په‌سه‌ندكرن.
ماددێ ئێكێ ب 62 ده‌نگێن به‌لێ و 30 ده‌نگێن نه‌خێر په‌سه‌ندكر. ماددێ دويێب 56 ده‌نگێن به‌لێ و 26 ده‌نگێن نه‌خێر په‌سه‌ندكر. پاشان ژى هه‌ر چار مادێ دى پێكڤه خستنه ده‌نگدانێ و ب 70 ده‌نگێن به‌لێ پرۆژێ قانوونێ په‌سه‌ند كر و 23 په‌رله‌مانتاران ژى دژى پرۆژه‌ى ده‌نگ دا.
ئه‌ڤرۆ كۆمبوونا په‌رله‌مانێ كوردستانێ ب پشكداريا هه‌موو فراكسيۆنێن ناڤا په‌رله‌مانى هاته ئه‌نجام دان بۆ سێ مه‌ره‌ما؛ خواندنا ناما سه‌رۆكێ هه‌رێما كوردستانێ مه‌سعود بارزانى و ده‌نگدان ل سه‌ر پرۆژێ قانوونا پارڤه‌كرنا ده‌سته‌لاتێن سه‌رۆكێ هه‌رێما كوردستانێ ل سه‌ر دامه‌زراوێن گشتى و ده‌ست ژ كاركێشانا په‌رله‌مانتارێ ئێكه‌تيێ گۆڕان ئازاد.
