پشتى ده‌مه‌كێ كێم ل نيڤا بازارى خرڤه‌بوونه‌ك دێ هێته ئه‌نجام دان
ئه‌ڤرۆ نێوز:
پشتى ده‌مه‌كێ كێم ل نيڤا بازارێ دهۆكێ دێ خرڤه‌بوونه‌كا جه‌ماوه‌رى هێته كرن وه‌كو پشته‌ڤانى بۆ مه‌سعود بارزانى سه‌رۆكێ هه‌رێما كوردستانێ.
ب گۆره‌ى ژێده‌رێن نه‌فه‌رمى و پشت به‌ستن ل سه‌ر تۆڕێن جڤاكى و گۆتنێن ناڤا جاددێ ئه‌ڤرۆ ل نيڤا بازارى و ب دروستى پشتى ب دووماهى هاتنا گۆتارا سه‌رۆك بارزانى ئه‌وا بڕياره ل ده‌مژمێر 20:00 بهێته خواندن، خرڤه‌بوونه‌كا جه‌ماوه‌رى ئه‌نجام بده‌ت و تێدا پشته‌ڤانيا هه‌لويستێ مه‌سعود بارزانى سه‌رۆكێ هه‌رێما كوردستانێ بكه‌ن.
د نامه‌كێ دا بۆ په‌رله‌مانێ كوردستانێ ئه‌ڤرۆ مه‌سعود بارزانى سه‌رۆكێ هه‌رێمێ كوردستانێ ئاشكه‌را كر كو ئه‌و ناخوازيت ده‌مێ وى بۆ بهێته زێده‌كرن و رێ ناده‌ت گوهۆڕين بكه‌ڤيته قانوونا سه‌رۆكاتيا هه‌رێما كوردستانێ و خواست كو ده‌سته‌لاتێن وى د ناڤبه‌را سه‌رۆكاتيا جڤاتا وه‌زيران و سه‌رۆكێ جڤاتا وه‌زيران و سه‌رۆكاتيا په‌رله‌مان و جڤاتا دادوه‌رى دا بهێنه پارڤه‌كرن.
بڕياره ئه‌ڤرۆ ده‌مژمێر 20:00 ب ده‌مێ كوردستانێ ژى مه‌سعود بارزانى سه‌رۆكێ هه‌رێما كوردستانێ گۆتاره‌كا ڤيديۆى ل سه‌ر ب دووماهى هاتنا ده‌مێ خوه به‌لاڤ بكه‌ت.
