پشتى شێل كۆمپانيه‌كا دژى ده‌ست ژ زه‌ڤيه‌كا په‌ترۆلا عيراقێ به‌ردا
ئه‌ڤرۆ نيوز:
كۆمپانيا په‌ترۆلا نشتيمانى يا ماليزيا يا به‌رنياس ب پێترۆناس بڕيار دا خوه ژ زه‌ڤيا مه‌جنون يا په‌ترۆلێ ل عيراقێ ڤه‌كێشيت.
كۆمپانيا پترۆناس بڕيار دايه ده‌ست ژ پشكێن خوه ل زه‌ڤيا مه‌جنون به‌رده‌ت ژ ئه‌گه‌رێ وێ چه‌ندێ كو مفا ل وێ زه‌ڤيێ يێ كێمه و به‌ر كاركرنێ ناكه‌ڤيت.
ب گۆره‌ى ژێده‌رێن ده‌نگوباسێن ماليزى، ب زووترين ده‌م كۆمپانى دێ شيره‌تكارێن خوه راسپێريت بۆ هاريكاريكرنا وان و فرۆتنا وان پشكان.
به‌رى نوكه كۆمپانيا شێل ژى راگه‌هاندبوو كو دێ ده‌ست ژ زه‌ڤيا مه‌جنون به‌رده‌ت كو ئێكه ژ مه‌زنترين زه‌ڤيێن په‌ترۆلێ ل عيراقێ و رۆژانه 200 هزار به‌رميلێن په‌ترۆلێ به‌رهه‌م دئينيت.
