پشتى كچه‌كا سعودى ماجد ئه‌لموهه‌ندس ماچ كرى هاته ده‌سته‌سه‌ركرن
ئه‌ڤرۆنيوز:
پۆليسێن سعودى كچه‌ك ده‌سته‌سه‌ركر پشتى دئاهه‌نگه‌كا ستران گۆتنێ دا ل باژێرێ تائيف يێ سعودى به‌ر ب سترانبێژێ عيراقى ماجد ئه‌لموهه‌ندس چووى وماچ كريێ.
ماجد ئه‌لموهه‌ندس ستران دگۆتن ل فيسته‌ڤالا بازارێ عوكاز يا هونه‌رى ل باژێرێ تائيف ل رۆژئاڤايێ سعوديێ،
ل وه‌لاتيێ سعوديێ رێ ب ژنان ناهێته دان تێكهه‌ليێ ل گه‌ل زه‌لامێن مرۆڤێن وان نه‌بن بكه‌ن، پشتى وێ روودانێ، سترانبێژئه‌لموهه‌ندس كو ره‌گه‌زناما سعودى يا هه‌ى، به‌رده‌وام ل ستران گۆتنێ دوێ ئاهه‌نگێ دا.
پۆليسێن سعوديێ دياركر كو ئه‌و كچه هاته ڤه‌گۆهاستن بۆ بنگه‌هه‌كێ ده‌سته‌سه‌ركرنا ژنان ودێ تۆمه‌ته‌كا جينائى ئاراسته‌ى وێ هێته كرن.
رۆژناما عوكاز يا سعودى ژزارده‌ڤێ په‌يڤدارێ پۆليسێن ده‌ڤه‌را مه‌كه ڤه‌گۆهاست” ئه‌ك كچ دێ هێته‌هنارتن ل به‌رده‌م ڤه‌كۆلينێ ل دووڤ سيسته‌مێ به‌رهنگاريا هه‌ڤرشيا سيكسى”.
وێ رۆژنامێ ديسا ژزارده‌ڤێ شاره‌زايێ قانوونيێ سعودى( موراد ئه‌لسه‌بيح) به‌لاڤكر” ئه‌و كچه دێ تووشى سزايێ زيندانكرنێ ب ده‌مێ نه زێده‌تر ژ دو سالان زێده‌بارى سزادانا دراڤى كو نه‌زێده‌تر بيت ژ 100 هزار ريالێن سعودى، يان ب ئێك ژوان هه‌ردو سزايان ل دووڤ مادێ شه‌ش ژ سيسته‌مێ به‌هنگاريا هه‌ڤرشيێ ل سعوديێ”.
