پشتى پارتى ليستا فه‌تح ژى ل دۆر نڤيساره‌كا سه‌خته هاته ده‌نگ
ئه‌ڤرۆنيوز:
هه‌ڤپه‌يمانيا فه‌تح ب سه‌رۆكاتيا هادي عامرى، ئه‌ڤرۆ دوشه‌مبى 9/7/2018 ره‌تكر ئيمزا ل سه‌ر رێكه‌فتنه‌كا سياسى ل هه‌ولێرێ هاتبيته كرن وئاماژه دا ئه‌و نڤيسارا ل دۆر وێ رێككه‌فتنێ د تۆرێن جڤاكى دا به‌لاڤبووى، چو راستى بۆ نينه.
هه‌ڤپه‌يمانيا فه‌تح دبه‌ياننامه‌كێ دا به‌لاڤكر” ئيمزاكرنا رێككه‌فتنه‌كا سياسى وه‌كو ل تۆرێن جڤاكى دا هاتيه به‌لاڤكرن، ئه‌م ره‌ت دكه‌ين وچو راستى بۆ وێ چه‌ندێ نينه”.
دياركر ژى” داخوازێ ژ ده‌زگه‌هێن راگه‌هاندنێ دكه‌ين دهشيار بن وپشت به‌ستنێ ل سه‌ر ژێده‌رێن فه‌رمى يێن هه‌ڤپه‌يمانيا فه‌تح بكه‌ن ل دۆر هه‌لويست وهه‌ڤپه‌يمانيێن سياسى وب دووڤ گۆتگوتكێن ژلايێ له‌شكرێن ئه‌لكترۆنى دهێنه به‌لاڤكرن نه‌كه‌ڤن”.
دهێته زانين ئه‌ڤرۆ دوشه‌مبى 9/7/2018، دتۆرێن جڤاكى دا، نڤيساره‌كا ب ده‌ست هاتيه نڤيسين به‌لاڤبوويه وتێدا وه‌سا هاتيه دياركرن كو نوونه‌رێ پارتى ديموكراتى كوردستان وچه‌ند لايه‌نێن دى يێن رێككه‌فتين وپارتى داخوازا پۆستێ سه‌رۆك كۆماراى يا كرى، ژلايێ نڤيسينگه‌ها راگه‌هاندنا فازل ميرانى، سكرتێرێ مه‌كته‌با سياسى يا پارتى ديموكراتى كوردستان، دراگه‌هاندنه‌كێ دا ره‌تكر وێ نڤيسارێ چو بنه‌ما بۆ هه‌بن.
نڤيسنگه‌ها راگه‌هاندنێ يا سكرتێرێ مه‌كته‌با سياسى يا پارتى درۆهنكرنه‌كێ دا دگۆت” بۆ رايا گشتى رۆهن دكه‌ين كو ئه‌و به‌لگه‌نامه يا سه‌خته‌يه وچو راستى تێدا نينه وشێوازه‌كێ بۆ نێچيرا د ئاڤێ شێلى دا”.
هه‌روه‌سا دياركر” وى ده‌نگوباسى دبنه‌ره‌ت دا ره‌ت دكه‌ين وداخوازێ ژى ژ لايه‌نێن په‌يوه‌نديدار دكه‌ين، ڤه‌كۆلينێ بكه‌ن بۆ ده‌ستنيشانكرنا وى لايه‌نێ ئه‌و جۆره ده‌نگوباسه به‌لاڤكرى ولێپرسين دگه‌لدا بهێته كرن وبهێته دادگه‌هكرن”.
