پشتى ژ به‌رنامه‌يى ده‌ركه‌فتى عه‌مار چ گۆت؟
ئه‌ڤرۆ نيوز، نيوار محه‌مه‌د سه‌ليم:
پشتى شه‌ڤا بۆرى د به‌رنامێ عه‌ره‌ب ئايدل يێ كه‌نالێ mbc نه‌شيايى سه‌ركه‌فتنێ ب ده‌ست ڤه بينيت، كوڕێ پارێزگه‌ها دهۆكێ عه‌مار كۆفى د پۆسته‌كى دا ل تۆرا فه‌يسبۆكێ سۆپاسيا پشته‌ڤانێن خوه كر.
عه‌مار كۆفى د پۆسته‌كى دا د په‌يچێ خوه يێ تۆرا جڤاكيا فه‌يسبۆكى دا سۆپاسيا هه‌موو ئه‌وان كه‌سان كر يێن ده‌نگ پێ داين و هاريكاريا وى كرى دا كو بگه‌هيته ڤێ قووناغا به‌رنامه‌يى.
عه‌مارى ل په‌يچێ خوه نڤيسيه: “ئه‌ز خوساره‌ت نه‌بوويمه، هه‌ڤدژى ڤێ چه‌ندێ گه‌له‌ك يێ دلخۆشم چونكو من ڤيانا هه‌وه ب ده‌ست ڤه ئينا، يێ دلخۆشم چونكو من هه‌ڤالينى و مرۆڤينيا كه‌سانێن وه‌كو هه‌وه ب ده‌ست كه‌فتيه، سۆپاس بۆ هه‌موو خۆشتڤيێن من ل هه‌ر ئه‌ردێ هه‌بيت”.
عه‌مار كۆفى كوڕێ پارێزگه‌ها دهۆكێ و باژێرێ زاخۆ پشتى ل رۆژا پێنجشه‌مبى ب سترانه‌كا سترانبێژێ نه‌مر ته‌حسين ته‌هايى و په‌سته‌كێ دا كو ژ په‌يڤێن هۆزانڤانێ مه‌زن د. به‌درخان سندى بوون گۆتى و سه‌ره‌رايى سه‌رساميا ئه‌ندامێن لژنێ ب وێ سترانێ، به‌لێ كوڕێ كورد ل رۆژا ئه‌يمنى ژ به‌رنامه‌يى هاته دوورخستن ب به‌هانه‌يا كێميا ده‌نگان.
