پشتى 33 رۆژان ته‌رمێ وى هاته دیتن
ئه‌ڤرۆ نیوز، نه‌وزاد هلۆرى:
پشتى به‌رزه‌بوون بۆ ده‌مێ زێده‌تر ژ هه‌یڤه‌كێ، ئه‌ڤرۆ ئێكشه‌مبى 11/3/2018 ته‌رمێ گه‌نجه‌كێ شێلادزێ ل چیایێ كوره‌ژار هاته دیتن ، مرۆڤه‌كێ وى گه‌نجى دیاركركو په‌یوه‌ندى ب په‌كه‌كێ كربوو وژده‌ست وان ره‌ڤى و ل چيای دا فريه.
مێهڤان بێزه‌لى ئێك ژكه‌سوكارى وى گه‌نجى بۆ ئه‌ڤرۆ نیوز گۆت” ل رێكه‌فتى 7/2/2018 گه‌نجه‌كێ گوندێ مه ب ناڤێ (ئیسماعیل عه‌بدوللا) كو دژیێ 20 سالیێ دابوو ، به‌رزه دبیت و ئه‌ڤرۆ رێكه‌فتى 11/3/2018 پشتى هه‌یڤه‌ك و چار رۆژان ته‌رمێ وى ل چیایێ كوره‌ژار هاته دیتن”.
زێده‌تر گۆت” ل ده‌ستپێكێ مه هزر دكر كو په‌یوه‌ندى ب شه‌رڤانێن رۆژئاڤایێ كوردستانێ كریه و دخوازیت پشكداریێ د شه‌رێ عه‌فرینێ دا بكه‌ت ل دژى ده‌وله‌تا توركیا ، یان ژى چویه ژ ده‌رڤه‌ى وه‌لاتى ، به‌لێ ده‌ركه‌فت كو په‌یوه‌ندى ب په‌كه‌كێ كربوو”.
دياركر” دیاره كو سیاسه‌تا په‌كه‌كێ ل گه‌ل وى نه‌گونجایه ، شڤێدى ژ ده‌ست وان ره‌ڤیه، به‌لێ ب مخابنیڤه ژبه‌ركو چیایێ كوره‌ژار یێ ب زه‌حمه‌ته و سه‌خته، ئه‌ڤرۆ سپێدێ ل چیایى دا فرى و ده‌ملده‌ست گیانێ خوه ژ ده‌ستدایه”.
