پشتی راوەستاندنا ئوپەراسیونێ گەشتیار قەستا گوندێن گەشتیاری دکەن
ئەڤرۆ نیوز، عەلی حاجی :
رێڤەبەرێ ناحیا باتیفا بۆ ئەڤرۆ نیوز دیار کر سەرباری بۆ دەما نێزیکی هەیڤەکێ تورکیا ئوپەراسیونا خوە بۆ سەر هێزێن پەکەکێ ل سنورێ هەرێما کوردستانێ راوەستاندی یە بەلێ توپبارانا فروکە و توپخانەیێن وان بەردەوامە .
زێدەتر دلشێر عەبدولسەتار گۆت: (بەردەوامێن پیربلا و کەشانێ و ریسێ دهێتە توپباران کرن ژلایێ فروکە و توپخانەیێن سوپایێ تورکیا ئەڤە د دەمەکێ دایە وەلاتێ تورکیا ب فەرمی ئوپەراسیونا خوە یا دناڤ ئاخا کوردستانێ دا ب دوماهی ئینایی بەلێ روژانە یان ژی هەر دوو روژان جارەکێ دەڤەرێن مە ل سنورێ ناحیا باتیفا دهێنە توپباران کرن و ڤێ چەندێ ژی وەکری یە زیانەکا مەزن بەر ب ئاقار و بیستانێن وەلاتیان بکەڤیت و هەر دیسان هندەک خانی ژی سوتینە بەلێ پرانیا وان خانیان ئەو بوون یێ کو چو کەس تێدا د ئاکنجی نەبووین ب تایبەتی ژی ل گوندێ ریسێ ئاقارەکێ مەزن سوت پشتی بۆ دەما چەند روژان ئەو ئاگر نەهاتیە کونترول کرن ژ ئەگەرێ مەزنیا وی ئاگری) .
ل دوماهیێ گۆت ژی پشتی راوەستیانا ئوپەراسیونێ نێزیکی ٥٠٪ توپباران ژی هاتیە کێم کرن پرانیا گوندان ژی وەلاتی دشێن بچنە سەر گوندێن خوە و هەتا گەشتیار ژی قەستا گوندێن گەشتیاری دکەن.
