پشتی رەققە ئەمریکا دێ دەستان ژ کوردان بەردەت
ئه‌ڤرۆ نيوز:
رۆژنامەڤانەکێ ناڤدار یێ بریتانیا راگەھاند کو ئەمریکا د داویێ دا وێ دەستێ خوە ژ کوردێن رۆژئاڤا ڤەکێشیت و راگەھاند کو تورکیا ژ کوردان زێدەتر بۆ ئەمریکا گرنگە و ئۆپەراسیۆنا رەققە ژی ب تەمامی بۆ جوداکرنا عیراق و سووریێ ژ ھەڤدویە و ھەر دەمێ کارێ ئەمریکا ب کوردێن
رابرت فیسک رۆژنامەڤانێ بریتانی و شارەزایێ سیاسەتا رۆژھەلاتا ناڤین ل سەر رەوشا رۆژئاڤایێ کوردستانێ و پلانێن دەم کورت و دەمدرێژ یێن ئەمریکا داخۆیانیەکا گرینگ بەلاڤ کر و راگەھاند کو بێگۆمان کوردێن رۆژئاڤا رۆلەکا گەلەک مەزن د شکەستنا داعشێ دا دیتنە و ئەڤرۆ ھێزا ھەری کاریگەرن و گۆت: (د رەوشا نھا دا کورد زێدەتر بۆ ئەمریکا پێدڤینە و ھەر دەمێ کارێ ئەمریکا ب یەپەگێ نەما دێ پشتا خوە بدەتە کوردان و جارەکا دی دەستێ تورکیا بگریت، ژ بەر کو رەوشا جیۆپۆلیتیک یا تورکیا بۆ ئەمریکا گەلەکێ گرنگە و ناخوازیت تورکیا ب تەمامی ژ خوە دوور کەت و بۆ ڤێ چەندێ ژی دێ ئەمریکا پشتا کوردان بەردەت).
رابرت فیسک راگەھاند ژی کو مەرەمەکا دی یا ئەمریکا د رزگارکرنا رەققە دا ژ دەستێ داعشێ ئەڤە کو دڤێت سنورێ د ناڤبەرا سووریێ و عیراقێ دا ب تەمامی ژێک جودا کەت و ئەمریکا ناخوازیت ئیران ل عیراق و سووریێ ژ یا پێدڤی زێدەتر ئەکتیڤ بیت و گۆت: (ئیران یەک ژ سەدەمێ سەرەکی یێ مانا سەرۆکێ رژێما سووریێ ئەسەدیی یە ل سەر دەستھەلاتێ و دیسان رۆلێ کوردان وەک ھێزەکا سەربازی گەلەک دیارە و نھا ئاخا د دەستێ کوردان دا ل دەوروبەرێ قامشلۆ و حەسەکێ نە ئاخا کوردایە و کورد دخوازن ڤێ دەلیڤا ھەی بۆ سەرکەڤتنێن خوە بکار بینن و تەمامیا قامشلۆ، حەسەکە و رەققە نە کوردن، لێ ئەمریکا دخوازیت ھێزەکا نێزیکی وێ ل وان دەڤەران دەستھەلاتدار بیت و رۆلێ ئیرانێ ل سنورێن عیراقێ و سووریێ نەمینیت).
رابرت فیسک دۆستێ گەلێن بندەست د پشکەکا دی یا ئاخاڤتنا خوە دا ل سەر رەوشا کوردان ل رۆژئاڤا و ھەرێما باشورێ کوردستانێ رادوەستیت و دیار دکەت کو دڤێت کوردێن رۆژئاڤا خوە د ھەر واری دا بۆ ب تنێ مانێ ئامادە بکەن و گۆت: (گەلەک ئاشکرایە روسیا و ئەمریکا ب ھەڤدو را دخوازن قەیرانا سووریێ چارە بکەن لێ ھەتا نھا تشتێ خوەیا دکەت نە ئەمریکا و نە ژی روسیا ناخوازن د بەرەیێ شەری دا بن و بۆ ڤێ یەکێ ھێزێن ئەردی بۆ خوە بکار دھینن و رەنگە پشتی کو رەققە ب تەمامی بھێتە رزگار کرن ھەلویستێ ئەمریکا بھێتە گءھورین، چونکو ئەمریکا ژ نھا ڤە ژ یەپەگێ دزوازیت کو پشتی رزگارکرنا رەققە ل ناڤەندا باژێر نەمینن).
