پشتی چار سالێن گەشەکرنێ فوتبۆلا ئیراقێ بەر ب کیڤە؟
جابر ئیسماعیل
قووناغەك ل فوتبۆلا ئیراقێ بێ دەنگی ب دووماهی هات، ئەو قووناغا کو تێدا خول ڤەژیای یاریگەهـ نوو بوون و هەلبژاردە ڤەگەریا سەر نەخشەیێ جیهانێ بتایبەت یانەیێن کۆردی گەلەك ئاستەکێ جان پیشکێش دکرن بتایبەت ژلایێ پشتەڤانان ڤە، د چار سالێن بوری دا د bin سەرۆکاتیا عەدنان درجال دا گوهۆڕینێن بەرچاڤ چێبوون بۆ ئێکەمجار سیستەمێ ڤیدیۆیێ-var- هاتە بکارئینان و رێککەفتن ل گەل لالیگای ئیسپانی هاتە ئیمزاکرن و چەندین یاریگەهـ هاتنە نووکرن و جەماوەر کورد و عەرەب زڤڕینە سەر کورسیێن ستادیومان و ئەنجامێ هەرێ مەزن ژی دو بوون: دەستڤەئینانا کوپا کەنداڤی و پلێتەکا مێژوویی بۆ مۆندیالێ.
دڤێت بزانین ئەڤرۆ وێنە هاتیە گوهۆڕین و هەلبژارتنێن فدراسیۆنا فوتبۆلا ئیراقێ تێکەل ب سیاسەتێ بوون ناڤێن سیاسی یێن وەکۆ محەمەد حەلبوسی کەتنە د ناڤ پروسێسێ دا و دەنگدان نە ل سەر بەرنامەیان بوو بەلکو ل سەر بەرژەوەندیان بوو لەوما رەشبینم چار سالێن بهێت دا، بۆ مە سەرکەفتنا یونس مەحموود وەكۆ سەرۆکێ نوو گومان دروستکرن و هندەک چاڤدێر دبێژن ئەڤە دەلیڤەیە بۆ پشتەڤانیکرنا یانەیێن نێزیکی وی و تایبەت کەرخ وئەلگەرمە و ئەڤە دێ بازاڕێ ڤەگوهاستنا یاریزانان گرانتر کەت و هەڤسەنگیێ د ناڤبەرا یانەیان دا تێکدەت
رەخنەیا هەری توند ئەوە ئەو کەسێ ئیراق گەهاندیە بلندترین ئاستێ جیهانێ نۆکە ژ بریارێ دوورئێخستیە ڕامان نەئەوە پشتا عدنان درجال دگرن وەكۆ پێدڤی بۆ یانەیێن کۆردی چ نەکەر و دادپەوەری د داڤانان دا نەبی نەشیا ڤێ خالێ ژناڤ ببەت د وەرزشێ دا دەستکەفت دهێنە پیڤانەکر نە ب سۆزان بەلکو ب ئەنجامان و دەستڤەئینانا قارەمانیان ، ل ڤێرێ دڤێت راستیەک بهێتە گۆتن گیانێ خولا ئیراقێ یانەیێن کوردستانێ نە زاخۆ، دهۆک،هەولێر، نەورۆز ئەڤە ئەو یانەنە یێن ستادیوم تژی دکەن و یاریەکا پاك پێشکێش دکەن و جەماوەرەکێ وەفادار ل پشتخوە هەیە و سەرەرای نەدادپەروەریا ئاشکرا یا دادڤانان د وەرزێ چووی دا و دەستێوەردانا بەردەوام یا لایەنێن سیاسی یێن بەغدا، ئەڤ یانە هەر مانە ستونا خولێ، خوشیا خولێ نە ل بەغدا یە بەلکۆ ل زاخۆ و دهۆکێ یە ل وێرێ کو دایکوباب ب زارۆکێن خوە ڤە دچنە یاریگەهێ و ئەگەر دادپەروەری هەبا ئەڤرۆ یانەیەکا کوردی دێ ل سەر textێ خولێ با و مە دیت پشتەڤانێن زاخۆ باشترین خەلاتێ جیهانێ ب دەستڤەئینا ب پشتەڤانی و چاڵاکیێن خۆە ترسا نۆکە ئەوە کو خولا بهێت بێ پلان بمێنیت و ئەگەر بریار بکەڤیتە دەستێ کەساتیان نە پسپۆران و ئیراق دێ ل ئاسیا پاشڤە زڤڕیت و هەروەسا هەلبژاردە ژی ئەگەر بهێتە سپارتن بۆ راهێنەرێن ناڤخۆیی بێ پروژەیەکی درێژخایەن و پشت بەستن تەنها ل سەر یاریزانێن چوار یانەیێن بەغدا بیت، دێ ئەو خەونا مۆندیالێ جارەکا دی دووربیت.
فوتبۆلا ئیراقێ نە پێدڤی سۆزێن نوو یە پێدڤی بەردەوامیێ یە ئەوێن بنیات نایێن رووخاندن، ئەوێن سەرکەفتنێ دئینن نابیت ب ساناهی بهێنە ژبیرکرن و ڤیابت گرنگیێ تاکێ کۆرد بدەن ژبەرکۆ تاکەکێ خۆدان ژێرە و چاڵاکە
