پشتی چـار سالێن تەناهی و خۆشیێ حوکمەتا ئیراقێ ل سالا ١٩٧٤ ژ سۆزێن خوە لێڤەبوو
سێمێل، سالار محەمەد دۆسكی:
7-9
ترۆمبێل بوومە هاتن و مە نەزانی دێ كە كیڤەبەن و هەتا 80ێ كەسان ل ترۆمبێلێن رەژی چوونە و تێدا و ئەم چووینە و خەلكێ كوردستانا توركیا هاتنە بەراهی یا مە و هەتا نوكە یا ل بەر چاڤێن من و نان و سەمونە دهاڤێتن و دلێ گەلەكا رابوو وەكی بارانێ ب سەرۆچاڤا دهات و كاودانەكێ نەخوش بوو و ئەم برینە دیاربەكرێ و دەڤەرەكا ل تەنشت دیاربەكرێ ڤە بەر ئاڤە و چادر ڤەدابوون و چاد روێ سارمایێ و چەند هەیڤان ئەم ماینە ل وێرێ، نەخوشیێ هەمی تشت ڤەگرت بوون سارما گەلەك بوو، گوهورینا سەقایی هات و زڤستان و چادر و گەلەك مرن پیرە مێر و زارۆك و سەرۆك كومارێ توركیا و هەڤژینا خوە سەرەدانا چادرگەها مەكرن، و دەستێ خوە ب سەرێ مەدائینا و هاریكاریا مە كر و دانیال مەتیران هات 74 گوند ئاكنجیێن كەمپێ بوون و شقێن 3 قاتی دڤالا بوون و هێشتا نوی بوون و كاودانێن مە خراب بوون و تورك نەچار بوون كرینە شقا ڤە و شقە دوو ژوور و هولەك بوو و لێنانگەه و حەمام و دڤی رووبەرێ هندێ بچوویك دا دێ بووتە ناڤێن سەرۆك خێزانا بێژم، حەكیم بابێ سالحی، مستەفا برایێ وی ، قادر ، نەجمەدین، زەكی، سوبحی، سالح، هەشت سەرۆك خێزان ب زارۆك ڤە دئێك شقە ڤە بوون و هەمی ل سەر ئێك لێنانگەه و تەوالێت بوون، و ب راستی ئەم برینە ئەڤان شقان و نەتەوێن ئێكگرتی ئەرزاق و گوشت و هەر تشتەكێ پێدڤی با ڕادەستی وەلاتێ توركیا دكر و ئەوا دانەمە وەك موختارێ تیلەرێ ل وێرێ بووم ژ خەلكێن كەمپێ ل ئاكنجی هوزێن، بەرواری، كوچەر، گولی، سندی، دوسكی، گەلەكێن دی و مەسیحیێن كانی مەزنێ و زاخو هەبوون، سێ كەمپە بوون موشێ، مێردینێ، دیاربەكر، پتر ژ 14 هزار كەسان ل دیاربەكر، 15 هزار مێردینێ بوون و پتر ژ هەشت هزاران ل موشێ بوون، بەلێ كاودانێن دیاربەكر ژ هەمیان باشتر بوو وەك پایتەخت دهاتە دیتن و سەرۆك باژێرڤانیێ كورد بوو و هاریكاریا خەلكی دكر و دیسا هاریكاریا خەلكی هاتەكرن بخوە كار بكەن، و بچنە دەرڤەی كەمپێ ژی و ئەم چەند هەیڤان ماین و توركیا ژی گەهشتنە وێ باوەریێ كو ئەڤان مرۆڤان كێشەك هەیە و چ خوینداری و مرۆڤ نەكوشتینە و ئەڤا كێشەكا سیاسی هەیە و خەلك چوونە دەرڤە و چەند پاس باژێرڤانیێ دەست نیشانكرن و رۆژانە چەند پاس هاتنە بن كەمپێ دا و خەلك گەهاندە باژێری و هەمان شێوە ل باژێری ژی تینانە كەمپێ و سەرۆكێ باژێرڤانیا دیاربەكر خەلكێ گوندێ لجێ بوو و خەلكێ وی گوندی گەلەك دلسوزن بۆ كوردپەروەریێ و سەر ب دیاربەكر ڤە و دیسا گۆتن نورمالە خەلكێ كەمپێ بهێت تشتی بخوە ل باژێری بفرۆشییت و خەلك چوونە سەر جادا و دا قەستا دوكانا كەن، و تشتێ دوكانا ژێ وەرگرت و ل سەر جادا دفرۆتن و خەلكێ قەزایێن دیاربەكر و ناحیا و گەلەك دا هێن بتنێ حەزا وا ئەو بوو تشتەكی ژ پێشمەرگەكی بكریت دا خێرەك بگەهیتێ و گەلەك جاران ئەگەر بهایێ كەل و پەلەكی هزار دینار بان دەمێ دكرین دا 10 هزار دینارا دەنە مرۆڤی وەك پشتەڤانی بۆ خەلكێ مە، ل دەسپێكێ پولیسان نەهێلان و خەلكێ دیاربەكر ژی خودانێن دوكانا یێ بەرهەف بوو هەمی كەل و پەلێن خوە بكەتە گینیكەكی دا و دا بێژیت ببە پێشمەرگە، سەرۆكێ باژێرڤانیا دیاربەكر گەلەك دەلیڤە دانە خەلكی، مە كومیتەكا باش هەبوو سەرپەرشتیا كەمپێ دكر ئەكرەم مایی، سەعدو كوركی، سەید نایف، سالح حەجی حسێن بوو و كاودانێن خەلكی بگشتی باشتر لێ هاتن و ئەو پارە چوونە بەریكێ دا و رێكخراوا ئەرزاق بۆ تینا و ئەف جا ئەو پارە بخوە دانە ب جلك یان تشتەكێ پێدڤی پێ هەبا و حەفتیێ جارەكێ جورەكێ گوشتی دهاتە دابینكرن و دووماهیێ كاودان گەلەك باش بوون و بەرامبەر خەلكێ مە ل هەر دو كەمپێن موشێ و مێردینێ نە بڤی رەنگی بوو و گەلەكا ژی چوون كرێكاری دكر ئانكو پالەتی رۆژانە و هەمان دەم خەلكێ دیاربەكر مرۆڤ و كورد پەروەر و جامێر بوون و باش و پشتەڤانیا خەلكێ مە دكر و پارەدانێ و سالێن دەسپێكێ وێ دەربەدەریێ و نەخوشیێ و سەلاجە و مجەمید كەسەكێ نەبوون و خەلكێ دیاربەكر هەمیان دەرگەهێن مالێن خوە بۆ پێشمەرگەی ڤەكرن و ئامانێن ئاڤێ كرنە سەلاجێن خوە داد كرنە بەفر و هەر ئێكێ دوست و هەڤالێن خوە هەبوون و زارۆكێن مە ل سپێدێ دا گینیكێن خوە هەلگرن و دا قەستا مالێن دوستێن خوە كەن بۆ ئینانا بەفرێ و ژ دیر ڤە ژنێن دیاربەكریا دا سترانا شڤانی بێژن ((هو هاتن پێشمەرگێن مە شەل و شەپكێن پشتاوان)) گەلەك حەش خەلكی دكر و سترانێن شڤانی و خەلكێ مە دەمێ ئەم چووینە وێرێ و خودێ ژێ رازی (سەید بەهجەت بانكی) ئەوی كاسێت ل سەر جادا دفرۆتن و ل دووماهێ ئەگەر چووبایە سیكا دیاربەكرێ مەلك ئەحمەدێ یان باغلەرە، ئورجامیێ.
