پشتی 12 دەمژمێران ئاگرێ بازارێ هه‌ولێرێ هاتە کونترۆلکرن
ئەڤرۆ نیوز ، زنار تۆڤی:
بێوار زەید پەیڤدارێ به‌رگریا شارستانى ل هه‌ولێرێ گۆت، پشتی زێدەتر ژ 12 دەمژمێران ئەم شیاین ئاگرێ بازارێ قه‌یسه‌ریا هه‌ولێرێ كۆنتڕۆل بكه‌ین، لێ زیانێن مادی د زۆرن، به‌لێ هێشتا ئامارێن فەرمی ل بەر ده‌ستێ مەدا نینن.
ل دەمژمێر 9:30 شەڤا بوری، ئاگر بەربوویە بازارێ قه‌یسه‌ریا سه‌نته‌رێ شارێ هه‌ولێرێ و دەمژمێر 10 بەری نیڤرۆیا ئه‌ڤرۆ ئاگر هاتیە كۆنترۆلکرن.
هەروەسا گۆت ژی، ب ئەگەرێ شۆتەکێ كاره‌بێ ئاگر بەربوویە وی بازاری، هه‌روه‌سا زۆربه‌یا وان دوكانێن كو ئاگر بەربوویێ یێن جلک و پێلاڤا بوون، لەوما ئاگر ب لەز بەربوویێ، هەروەسا پتری 20 دوكانان هاتینە سوتن، بەێ هەتا نوکە ب هووری زیان نەهاتینە خه‌ملاندن.
