پشتی 9 سالا بابێ خوە کوشتی ئاشکرا بوو
ئه‌ڤرۆ نيوز، حه‌مزه ره‌زيكى:
رائیدێ مافپەروەر ھێمن سلێمان، بەرپرسێ پەیوەندی و راگەھاندنێ ل رێڤەبەریا پۆلیسێن دھۆکێ بۆ رۆژناما ئەڤرۆ دیارکر کو ل سالا 2007ێ، ئانکو بەری نەە سالا، خێزانەکێ ل دەڤەرا سەرسنکێ سکالایەک تومارکربوو ل دۆر بەرزەبوونا زەلامەکێ 60 سالی کو چو پێزانین ل سەر نەبوون و گۆت: ژ ھینگی وەرە بەردەوام تیمێن مە یێن پۆلیسا دووڤچوون ل سەر کێشەیا بەرزەبوونا وی دکر.
دیارکر ژی بەری چەند رۆژا پۆلیس شیان کورێ وی بگرن بناڤێ ( ڕ، ر،ج) کو ژیێ وی 33 سالن و ماموستایە پشتی ڤەکولین ل گەل ھاتیە کرن دیاربوو وی بابێ خوە ل وی دەمی کوشتیە و ب دەستێن خوە ل گورستانێ ڤەشارتیە و گۆت: ئەگەرێ کوشتنێ سەرا کێشەکا جڤاکی بوو کو شەرەدەڤ دناڤبەرا وی و بابێ ویدا پەیداببوو و وی گەنجی بابێ خوە قوتابوو ھەتا بوویە ئەگەرێ مرنا وی و دان ب تاوانا خوە کر.
ھێمن سلێمان دیارکر ژی کو خێزانا ناڤبری ئاکنجیێن دھۆکێ نە و کێشە ل سنورێ ناحیا سەرسنکێ روودابوو و گۆت: ل دووڤ بەندێ 406 یێ قانوونا سزایێن عیراقی ناڤبری ھاتیە دەستەسەرکرن.