پشتەڤانیێ ل پێشڤەبرنا كەرتێ چاندنێ ل هەرێما كوردستانێ دكەین
ئەڤرۆ
مارك ڕووتە، سەرۆك وەزیرێن هولەندا نامەیەك بۆ مەسرور بارزانی، سەرۆكێ حوكمەتا هەرێما كوردستانێ هنارت و د نامەیا خوە دا پشتەڤانیا وەلاتێ خوە بۆ گەشەپێدانا كەرتێ چاندنێ ل هەرێما كوردستانێ دووپات دكەت.
سەرۆك وەزیرێن هولەندا، د نامەیا خوە دا ئاماژە ب وێ چەندێ دكەت كو پەیوەندیەكا ب هێز د ناڤبەرا هولەندا و هەرێما كوردستانێ دا هەیە، ب تایبەتی د بوارێ ڤەژاندنا كەرتێ چاندنێ دا.
سەرۆك وەزیرێن هولەندا، دوپاتی ل وێ چەندێ كر كو وەلاتێ وی پشتەڤانیێ ل گەشەپێدانا كەرتێ چاندنێ ل هەرێما كوردستانێ دكەت وەكو پشكەك ژ كارنامەیا كابینەیا نەهێ یا حوكمەتا هەرێمێ د بوارێ هەمەجۆركرنا ئابۆری.
هەروەسا د نامەیا خوەدا، مارك ڕووتە، سەرۆك وەزیرێن هولەندا باس ل وێ چەندێ دكەت كو چەندین دەلیڤە یێن هەین بۆ پێشڤەبرنا پەیوەندیێن دو ئالی، ب تایبەتی دبوارێن ئالۆگۆریا بازرگانی و مفا وەرگرتن ژ پسپۆری و شارەزایی و پشكداریكرن د خۆل و پرۆگرامێن ڕاهێنانێ دا.
