پشكا رەوشەنبیری و راگەهاندنا پارتی بازنەیێ دانوستانێ یێ 16ێ ئەنجام دا
ب ئامادەبوونا د. سالار عوسمان، بەرپرسێ پشكا ڕەوشەنیری و ڕاگەهاندنا پارتی دیموكراتی كوردستان ل رۆژا 21/4/2024 بازنەیێ خوە یێ دانوستاندنێ یێ 16ێ ب ناڤێ (كوردستان د ناڤ گێژاوەیا ململانێیا ئەقلیمی و نێڤدەولەتی دا) ئەنجام دا.
د وێ دانوستاندنێ دا هەر ئێك ژ (د. سالار عوسمان، د. یەحیا ئەلكوبەیسی – ب رێیا سكایبێ، ئەبو میساق ئەلمساری، حسێن یەزدان پەنا، شێخ سدیق، د. محەمەد ئیحسان، د. محەمەد بازیانی، د. ئەنەس دۆسكی، د. شێرزاد دۆسكی، ڕابەر تەلعەت، عەبدوللا سالح، گۆران جەلال، هەروەسا ئەندامانی بازنەی گفتوگۆ – شڤان حەمدی، مەحفوز مایی، پ. د نەزاكەت حسێن، د. جەلال ئەحمەد، فەرهاد محەمەد) بەرهەڤبوون، بازنەیێ دانوستاندنێ ڕاپۆرتەكا مەیدانی ل سەرانسەری هەرێما كوردستان ئامادەكردبوو، بەری دەستپێكرنا دانوستاندنێ، ئەو ڕاپۆرتە بۆ ئامادەبوویان هاتە نیشادان، پاشی ئامادەبوویان بە زەلالی دانوستاندن ل سەر ئەڤێ پرسەیا گرنگ گرن و دووپاتكر، كو ئاریشەیا سەرەكی یا هەرێما كوردستانێ ئەوە، كو دەولەتەكا سەربخوە نینە و پشكەكە ژ دەولەتا ن ناڤ دەولەتا فیدڕالی یا ئیراقێ، لەو گرنگە هەرێما كوردستانێ بەری هەر تشتەكی ناڤمالا خوە رێكبێخیت، خالا لاوازیا نوكە یا هەرێمێ نەبوونا ئێكڕێزیێ و گوتارەكا هەڤگرتی یا كوردستانییە.
ل دۆر پەیوەندیێن هەرێم و بەغدا ژی، ئامادەبوویان ب گەشبینی باس ل سەردانا سەركەفتی یا محەمەد شیاع سۆدانی بۆ ئەمریكا كر، دووپات كر كو پشتی ڤێ سەرەدانێ دەرگەهەكێ باش بۆ چارەسەركرنا ئاریشەیێن هەلاویستی د ناڤبەرا هەرێم و بەغدا دا دێ هێتە ڤەكرن.
دیسا د پشكەكا دی یا دانوستاندنێ دا پشكداربوویان پەسنا سیاسەتا حوكمەتا هەرێما كوردستانێ كر، كو شیایە ب رەنگەكێ لۆژیكیانە سەرەدەریێ ل گەل وان هەموو ئاریشە شەڕان دا بكەت یێن نوكە رۆژهەلاتا ناڤین ڤەگرتین.
