پشكا هه‌رێمێ د بوودجا ته‌مامكارى دا يا مه‌رجداره
ئه‌ڤرۆ نيوز:
بڕيارده‌رێ لژنا دارايى ل جڤاتا نوونه‌رێن عيراقێ راگه‌هاند كو بوودجا ته‌مامكارى هه‌رێما كوردستانێ ب خوه ڤه دگريت، به‌لێ يا مه‌رجداره ب راده‌ستكرنا په‌ترۆلا هه‌رێمێ بۆ ده‌ستێ كۆمپانيا سۆمۆ.
جڤاتا نوونه‌رێن عيراقێ، د كۆمبوونا ئه‌ڤرۆ رۆژا سێشه‌مبى دا، دانوستاندن ل ده‌رباره‌ى كێشێن ئاڤێ و پرۆژێ قانوونى يێ بوودجا ته‌مامكارى بۆ سالا 2017ێ و چه‌ند بابه‌ته‌كێن دى كه‌ت.
ئه‌حمه‌د حاجى ره‌شيد راگه‌هاند بوودجا ته‌مامكاريا گه‌هشتيه جڤاتا نوونه‌ران و خواندنا ئێكێ بۆ هاتيه كرن و ل روونشتنا ئه‌ڤرۆ دا خواندنا دويێ دێ بۆ هێته كرن و راپۆرتا لژنا دارايى دێ هێته خواندن.
ب گۆتنا وى: “كێشه و كێم و كاسى د ناڤ بوودجه‌ى دا يێن هه‌ين و ل گه‌ل تێبينى يێن نوونه‌ران دا دانوستاندن هاتيه كرن دا كو بهێنه ئاماده‌كرن بۆ ده‌نگدانێ”.
ئاماژه ب وێ چه‌ندێ ژى كريه كو د بوودجه‌يا ته‌مامكارى دا، ب ره‌نگه‌كێ گشتى پشكا هه‌رێما كوردستانێ تێدايه، به‌لێ يا مه‌رجداره، ب وان برگێن د پرۆژێ بنه‌ره‌تى يێ ئه‌ڤ ساله دا هاتى.
گۆتژى: “هه‌كه هه‌رێم گرێدايى رێكه‌فتنا راده‌ستكرنا په‌ترۆلا خوه نه بيت بۆ كۆمپانيا سۆمۆ، پشك د بوودجه‌يا ته‌مامكارى دا نابيت و خه‌رجيان دا، چونكو پشكدارى د داهاتن دا نه‌كريه.
