پشککێشان بۆ ھژمارێن قەوارێن ھەلبژارتنێن ھەرێمێ دێ ھێتە کرن
ئەڤرۆ نيوز:
کۆمسیۆنا بلندا سەربخوە یا ھەلبژارتن و راپرسیان ل ھەرێما کوردستانێ د راگەھاندنەکێ دا دیار کر، بڕیارە کۆمیسۆن ئەڤرۆ پشککێشانێ بۆ ھژمارێن لیست و قەوارێن سیاسی بۆ ھەلبژارتنێن بھێن یێن پەرلەمانێ کوردستانێ بکەت.
کۆمسیۆنا بلندا سەربخوە یا ھەلبژارتن و راپرسیان ل ھەرێما کوردستانێ د وێ راگەھاندنێ دا ئاشکرا ژی کریە کو ئەڤرۆ 16-7-2018 پشککێشان بۆ ھژمارێن لیست و قەوارەیێن دێ ھێتە کرن و تێدا ھاتیە: “پشککێشان دێ ب ئاوایەکێ ئێکسەر ل سەر کەنالێن راگەھاندنێ ھێتە پەخشکرن و ھەر ئالیەک دێ ل گۆرەی چانسێ خوە ھژمارێ وەرگریت”.
وەکو دیار بڕیارە ل 30ی ئیلۆنا ئەڤ سالە ھەلبژارتنێن پەرلەمانێ کوردستانێ بھێنە کرن و کۆمسیۆنا ھەلبژارتن و راپرسیان ل ھەرێمێ ژی دیار دکەت کو وان بەرھەڤیێن خوە بۆ ئەنجامدانا ڤێ پرۆسێ کرینە.