پلانه‌ك بۆ به‌رهنگاریا له‌هیان هاتیه دانان
دهۆك، له‌زگین جوقی:
به‌رپرسێ په‌یوه‌ندی و راگه‌هاندنێ ل سه‌رۆكاتیا باژێرڤانیا دهۆكێ دیار كر، ب هه‌ڤكاری ل گه‌ل رێڤه‌به‌ریا سولینان و به‌ره‌ڤانیا باژێری ل دهۆكێ ده‌ست ب هه‌وه‌كا پاقژیێ ل رووبارێ هشكه‌ڕۆ هاته كرن و داخواز هاتیه كرن ڤه‌دیتن بهێنه كرن بۆ چێكرنا هنده‌ك دیوارێن پشته‌ڤان ل رووبارێ هشكه‌ڕۆ.
ئیسماعیل مسته‌فا، به‌رپرسێ په‌یوه‌ندی و راگه‌هاندنێ ل سه‌رۆكاتیا باژێرڤانیا دهۆكێ بۆ رۆژناما ئه‌ڤرۆ دیار كر، باژێرڤانیا دهۆكێ ده‌ست ب به‌رهه‌ڤیان بۆ به‌رهه‌نگاریا له‌هیان د وه‌رزێ بارانبارینێ دا كریه و گۆت: “پلانه‌ك هاتیه دانان ژ بۆ پاراستنا وان مالێن نێزیكی رووباری ژ مه‌ترسیا له‌هیان و ئه‌و جهێن مه‌ترسیا ئاڤێ ل سه‌ر هه‌ی هاتینه پاقژكرن، هه‌روه‌سا مه‌نهۆلێن د ناڤ باژێرێ دهۆكێ دا دێ هێنه پاقژكرن”.
ناڤهاتی ئاشكرا ژی كر كو د نوكه دا خواز هاتیه كرن ڤه‌دیتن بۆ چێكرنا هنده‌ك دیوارێن پشته‌ڤان ل رووبارێ هشكه‌ڕۆ بهێته كرن، داكو مه‌ترسیا له‌هیان ل سه‌ر وان مالێن نێزیكی رووبارێ هشكه‌ڕۆ نه‌مینیت.
