پنتاگۆن: ئێک لەشکر ژ عیراقێ ناھێتە ڤەکێشان
ئەڤرۆ نیوز:
پەیڤدارێ وەزارەتا بەرەڤانیا ئەمریکی (ئێریک باھۆن) بۆ رۆژناما ئەلحوار راگەھاند، ڤەکێشانا لەشکرێ ئەمریکی ژ عیراقێ د بەرنامێ کارێ وانا دا نینە، و دنیازا وان دا نینە ل پاشەرۆژەکا نێزیکدا ژی ئێک لەشکرێ ژ عیراقێ بھێتە ڤەکێشان.
پەیڤدارێ وەزارەتا بەرەڤانیا ئەمریکی ھەروەسا گۆت: ئەو ھێزا ژ عیراقێ ھاتیە ڤەکێشان ب رێککەفتن بوویە ل غدا، چونکی وێ ھێزێ کارێ مەشق و راھێنانان دکر، نوکە ئەو ھێز دێ بۆ ئەفغانستان ھێنە رەوانەکرن.
داخویانیا پەیڤدارێ وەزارەتا بەرەڤانیا ئەمریکی پشتی دەنگۆیێ ڤەکێشانا ھێزێن ئەمریکی ژ عیراقێ بەلاڤبووی ھات، کو سەعد حەدیسی پەیڤدارێ حوکمەتا عیراقێ بۆ ئاژانسا ئەسۆشەیتد پرێس راگەھانبوو، ب ئەگەرێ ب دووماھی ھاتنا شەرێ داعشێ، ئەمریکا دێ ھێزێن خوە ژ عیراقێ ڤەکێشیت.
