په‌رله‌مانتاره‌كا كورد داخوازا ڤه‌كێشانا كوردان ژبه‌غدا دكه‌ت
ئه‌ڤرۆنيوز:
ئه‌ندامه‌كێ جڤاتا نوونه‌رێن عيراقێ داخوازا ڤه‌كێشانا كوردان ژ جڤاتا نوونه‌ران وحوكمه‌تا عيراقێ دكه‌ت وئاماژێ دده‌ت كو به‌رده‌وام سونه وشيعه دژى مافێن دستوورى يێم كوردستانێ رێك دكه‌ڤن ومانا كوردان ل به‌غدا شه‌رعيه‌تێ ب پێشێلكرنا مافێن مه دده‌ت.
ئه‌شواق جاف، ئه‌نداما جڤاتا نوونه‌رێن عيراقێ ژفراكسيۆنا پارتى ديموكراتى كوردستان دداخۆيانيه‌كا رۆژنامه‌ڤانيدا گۆت” جڤاتا نوونه‌رێن عيراقێ نوونه‌راتيا هه‌موو پێكهاتان ناكه‌ت، دپرسا بودجه‌ى ومافێن پێشمه‌رگه‌ى، به‌رده‌وام سونه وشيعه دناڤخوه‌دا رێك دكه‌ڤن وگوه ل داخوازيێن نوونه‌رێن كوردستانێ ناده‌ن”.
ئه‌شواقێ دياركر” ده‌مێ ل سالا 2014 به‌غدا بودجا هه‌رێما كوردستانێ برى، چو فراكسيۆنه‌كێ پشته‌ڤانيا مافێن كوردستانێ نه‌كر ونه‌گۆت ئه‌ڤه پێشێلكرنا دستوورى يه”.
ئه‌و په‌رله‌مانتارا كورد، رێككه‌فتنا سونه وشيعان دژى مافێن دستوورى يێن كوردستانێ ب پێشێلكارى وده‌ست درێژيا جڤاتا نوونه‌ران وحوكمه‌تا عيراقێ بۆ سه‌ر وان مافان دهه‌ژمێريت وپێدڤى دزانيت نوونه‌رێن كورد ل جڤاتا نوونه‌ران وحوكمه‌تا عيراقێ ڤه‌كێشن، چونكى مانا كوردان شه‌رعيه‌تێ ب پێشێلكرنا مافێن وان ژلايێ سونه وشيعان دده‌ت.
