په‌رله‌مانتاره‌كێ گۆران نهێنيه‌كێ ئاشكرا دكه‌ت
ئه‌ڤرۆنيوز:
ئه‌ندامه‌كێ جڤاتا نوونه‌رێن عيراقێ ژ ليستا گۆران ئاشكرا كر كو چه‌ند به‌رپرسێن كورد چووينه ده‌ف عه‌بادى وگوتيێ 300 مليار دينار به‌سن بۆ مووچه‌خۆرێن هه‌رێما كوردستانێ.
مه‌سعود حه‌يده‌ر، ئه‌ندامێ جڤاتا نوونه‌رێن عيراقێ ژ ليستا گۆران وئه‌ندامێ لژنا دارايى يا جڤاتێ دديداره‌كێ دا ل گه‌ل كه‌نالێ (كوردستان 24) گۆت” بۆ جارا ئێكێ يه ئه‌ز ڤێ راستيێ ئاشكرا دكه‌م كو حه‌يده‌ر عه‌بادى دكۆمبوونه‌كێ دا ب رۆهنى گۆته مه كو هنده‌ك به‌رپرسێن كوردى يێن هاتينه ده‌ف من وگۆتيه من نێزيكى 300 مليار دينار به‌سن بۆ مووچێن هه‌رێما كوردستانێ”.
مه‌سعود حه‌يده‌ر گۆت ژى” هنده‌ك به‌رپرسێن كورد يێن چووينه به‌غدا بۆ موجامه‌له‌كرنا حه‌يده‌ر عه‌بادى وگۆتيێ ئه‌و هژمارێن فه‌رمانبه‌رێن كوردستانێ هه‌موو دره‌ون وچو راستى بۆ وان هژماران نينه، له‌وما نوكه حوكمه‌تا عه‌بادى باوه‌رى ب ئامارێن مووچه‌خۆرێن هه‌رێما كوردستانێ نه‌مايه ووه‌سا هزر دكه‌ت 100 هزار فه‌رمانبه‌ر ل هه‌رێما كوردستانێ يێن هه‌بن”.
