په‌رله‌مانتاره‌ك كۆمبوونا هەرێمێ ل گەل بەغدا ب دوور دبینيت
ئەڤرۆنیۆز، سالار دۆسكی
سەرۆكێ فراكسيۆنا كۆمەلا ئیسلامی كوردستان ل جڤاتا نوونه‌رێن عيراقێ دیاركر كو ل دووڤ زانیاریێن وی چو ژڤان نینن بۆ دەسپێكرنا دانوستاندنان دناڤبەرا هەرێمێ و بەغدا دا.
زانا رۆستايی سەرۆكێ فراكسیۆنا كۆمەلا ئیسلامی ل جڤاتا نوونه‌رين عیراقێ بۆ ئەڤرۆ نیۆز گۆت” سەرۆك كۆمار بتنێ داخوازا ئاسایكرنا كاودانێن كوردستانێ كریە و تایبەت پشتی خوەنیشاندانێن پارێزگەها سلێمانیێ”.
رۆستايی ب دوور زانی پشتی سەرێ سالێ كۆمبوونەك بهێتەكرن دناڤبەرا هەردو حوكمەتا دا، چونكى كاودانێن هەرێما كوردستانێ نوكە پتر تێكچووینە و دڤێت حوكمەتا هەرێما كوردستانێ كاودانێن خوە دروست بكەت و تایبەت پشتی ڤەكێشانا پارتێن سیاسی ژ حوكمەتێ، ژبه‌ركو حوكمەتا نوكە نوونەراتیا هەموو خەلكێ كوردستانێ ناكەت و عەبادی دێ داخواز دكەت حوكمەت نوونەراتیا هەموو كوردان بكەت تاكو ل گەل دانوستاندنان بكەت.
ئە وژی گۆت”عەبادی دڤێت دەستهەلات ل سەر هەموو عیراقێ هەبیت ب كوردستان ڤە و ئەو مادێن دستووری ئەوێن بەرژوەندا وی دا بجهبینيت”.
ئەو ژی گۆت” بتنێ هەلبژارتن چارەیە بۆ دروستبوونا كاودانێن هەرێمێ و ئەوا هەلبژارتنان ژی پێدڤی ب جهەكێ چاڤدێریێ ڤە هەیە وەك نەتەوێن ئێكگرتی كو هاریكاریا كوردستانێ بكەن د پرۆسێسا هەلبژارتنان دا”.
