په‌رله‌مانتاره‌ك مه‌ترسيه‌كا مه‌زن يا ل سه‌ر كوردان ئاشكه‌را دكه‌ت
ئەڤرۆ نیۆز، قائید میرۆ:
نوونەرەکێ کورد ل بەغدا مەترسیا ھەرێما کوردستانێ ل دۆر وەرگرتنا فڕۆکەیێن F16 ژ لایێ حوکمەتا عێراقێ نیشادا و تەکەز کر، ھێشتا گەلێ کورد مەترسیا جینۆسایدێ ل سەرە.
زانا رۆستایی، پەرلەمانتارێ کورد ل بەغدا بۆ ئەڤرۆ نیۆز راگەھاند” وەرگرتنا فڕۆکەیێن F16 ژ لایێ عێراقێ ڤە مەترسی بۆ سەر ھەرێما کوردستانێ ھەیە، چونکو بەری شەڕێ داعش زۆر جارا ل سەر دەڤەرێن کوردستانی ئاریشە کەفتیە ناڤبەرا ھێزێن پێشمەرگەیی و سوپایێ عێراقێ، لەوڕا مە وەک ھەرێما کوردستانێ ھێشتا مەترسیا جینۆسایدێ ل سەر ھەیە و ترسین رۆژەکێ ئەف فڕۆکەیێن پێشکەفتی د شەڕێ نەتەوەی و مەزھەبی دا بھێنە بکار ئینان.
زانای دیارکر، ئەم دخوازین د شەڕێ نوکە دا عێراق سەرکەڤیت و چەکێ پێدڤی ب دەست خۆ ڤە بینیت، بەلێ ترسا مە ئەڤە ھێشتا عەقلیەتا دەستھەلات وەرگرتی ل عێراقێ گۆھۆڕین ب سەر دا نەھاتیە.
