په‌رله‌مانتاره‌ك: پارێ بۆ مووچێ فه‌رمانبه‌ران قه‌ر كرى نه‌گه‌هشتيه
ەڤرۆ نیۆز، سالار دۆسکی:
ئەندامەکا لژنا دارایی ل پەرلەمانێ کوردستانێ، بۆ مالپەرێ ئەڤرۆ نیۆز دیارکر کو ھێشتا ٥٠٠ ملیۆن دۆلارێن ژڤان بوو ھەرێما کوردستانێ ژ تورکیا دەین بکەت، بۆ مووچێن فەرمانبەرێن کوردستانێ نەگەھشتینە.
د. شرین حوسنی ئەنداما لژنا دارایی ل پەرلەمانێ کوردستانێ بۆ مالپەرێ ئەڤرۆ نیۆز گۆت: “من پێشنیارا خوە رادەستی وەزارەتا دارایی یا حوکمەتا ھەرێما کوردستانێ کریە کو مووچێ ڤێ ھەیڤێ ئانکۆ ھەیڤا ئێک ھەموو ب دولاری بھێتەدان و چونکە گوھۆرینێ ژی وەخت پێ دڤێت و دیسان بلا دۆلاری ب بھایێ کێمتر ژ بازاری ل سەر وەلاتیان بەلاڤ کەن”.
ئه‌نداما لژنا دارايى ل په‌رله‌مانێ كوردستانێ ئاشکرا کر کو ل سەر پیشنیازا وێ، وەزارەتێ ھایدارکرینە کو دێ کەڤیتە بن ڤەکولینێ.
شرینێ خویارکر ژی کو بەغدا ئاشکرا کریە کو ھەرێم چەند پەترۆلێ فرێکەت دێ بەغدا بەرامبەر وێ پەترۆلێ پاران فرێکەت و ئەڤە د بەرژوەندا کوردان دا نینە، چونکە بەغدا و ھەرێم ل سەر قانوونا بۆدجێ رێکەفتینە.
