په‌رله‌مانتاره‌ك: پێشمه‌رگه ناچيته دبن ده‌ستهه‌لاتا عه‌بادى ڤه
ئه‌ڤرۆنيوز:
ئه‌ندامێ لژنا به‌رگريێ وئاسايشێ ل جڤاتا نوونه‌رێن عيراقێ، شاخه‌وان عه‌بدوللا، راگه‌هاند، ب چو شێوه‌كى هێزا پێشمه‌رگێ كوردستانێ ناچيته دبن ده‌ستهه‌لاتا عه‌بادى ڤه، چونكى دبنه‌ره‌تدا هێزا پێشمه‌رگه بۆ پاراستنا خه‌لكێ كوردستانێ يا دروست بووى، نه‌كو ئاخا عيراقێ.
شاخه‌وان عه‌بدوللا، ئه‌ندامێ لژنا به‌رگريێ وئاسايشێ ل جڤاتا نوونه‌رێن عيراقێ ژليستا پارتى گۆت ” هێزا پێشمه‌رگێ كوردستانێ ددستوورێ عيراقێ دا وه‌سا هاتيه پێناسه‌كرن كو پشكه‌كه ژ پاراستنا هه‌رێما كوردستانێ، به‌لێ نوكه به‌غدا دخوازيت ئيداره ولڤينا پێشمه‌رگه‌ى بێخيته دبن ده‌ستهه‌لاتا سه‌رۆك وه‌زيرێن عيراقێ ڤه كو ئێدى وان چاوان دڤێت وه‌سا كوردان وعه‌ره‌بێن سونه پێ بده‌نه كوشتن وئه‌ڤه ژى بۆمه ئه‌سته‌مه و ب چو شێوه‌كى هێزا پێشمه‌رگێ كوردستانێ ناچيته دبن ده‌ستهه‌لاتا عه‌بادى ڤه، چونكى هێزا پێشمه‌رگه‌ى دبنه‌ره‌تدا بۆ پاراستنا خه‌لكێ كوردستانێ يا دروست بووى، نه‌كو ئاخا عيراقێ”.
شاخه‌وان زێده‌تر بۆ باسنيوز دبێژيت” نزانم بۆچى كورد مه‌رجان ژعه‌بادى وه‌دگرن وبۆچى بۆ خوه مه‌رجان ل سه‌ر عه‌بادى نادانن؟ چونكى هه‌كه گه‌نده‌ليێن ناڤخوه‌يى نه‌هێلين، دشێن مووچێ خوه دابين بكه‌ن وسه‌ر ژ نوو ل سه‌ر پيێن خوه ب راوه‌ستن، هه‌روه‌سا شوره‌شه‌ك ژى بۆ ئازادكرنا ده‌ڤه‌رێن داگيركرى ده‌ست پێ بكه‌ن، له‌وما كورد نه‌چارێن عه‌بادى نينن”.
