په‌رله‌مانتارەکێ شیعه:ل ڤان نێزیکان عه‌بادى دێ 40 بالیۆزان گوهۆریت کو زۆربەیا وان ژی كوردن
ئەڤرۆ نیۆز،زنار تۆڤی:
حوکمه‌تا به‌غدا یا به‌رده‌وامه ل سەر فشار خستنێ ل سەر هه‌رێما كوردستانێ و گه‌مارۆدانێ وه‌ك سزایه‌ك ل به‌رامبه‌ر ئه‌نجامدانا ریفراندۆما سه‌ركه‌فتی ل 25 ئیلۆنا 2017، دڤی چارچۆڤەی دا په‌رله‌مانتارەکێ سه‌ر ب ئیئتیلافا ده‌وڵەتا یاسایێ ڤە رادگه‌هینیت،کو عه‌بادى ل بەرە 40 بالیۆزان ب گوهۆریت كو زۆربەیا وان ژی كوردن.
په‌رله‌مانتار (تاها دیفاعى)، ژ فراكسیۆنا ئیئتیلافا ده‌ولە‌تا یاسا،راگه‌هاندیە:مە ل گه‌ل لیژنا په‌یوه‌ندیێن ده‌رڤە ل ئه‌نجومه‌نێ نوونه‌رێن عێراقێ، گفتوگو ل سەر دۆسەیا بالیۆزان كریە،چونکی ئەڤ لیژنه به‌رپرسیارا چاڤدێریكرنا باڵیۆزخانا و وه‌زاره‌تا ده‌رڤە یە.
هەروسا ئاشكرا كریە،کو حه‌یده‌ر عه‌بادى، سه‌رۆك وه‌زیرێن عێراقێ،ل بەره 40 بالیۆزان ب گوهۆریت، کو زۆربەیا وان ژی ژ نه‌ته‌وا كوردن. گوت ژی:قۆناغەکا نوو ل به‌رده‌م وه‌زاره‌تا ده‌رڤە‌دایه و عه‌بادى ده‌ست ب هه‌لسه‌نگاندنا كارێن ڤێ وه‌زاره‌تێ دکەت،دیسا دێ هژماره‌کا بالیۆزێن نوو ژی دامه‌زرینیت.
