په‌رله‌مانێ ئه‌لمانیا مه‌شقدانا پێشمه‌رگه‌ی په‌سه‌ند كر
ئه‌ڤرۆ نیوز، ڤه‌ده‌ر سوبحى
په‌رله‌مانێ ئه‌لمانیا بریارا مه‌شقدانا هێزا پێشمه‌رگه‌ی ل هه‌رێما كوردستانێ ب پرانیا ده‌نگان ئه‌ڤرۆ په‌سه‌ندكر.
د ده‌نگدانێ دا 457 ئه‌ندامان بریار په‌سه‌ند دا ب تنێ 79 ئه‌ندامان دژی بریارێ ده‌نگ دا.
ل مه‌ها بهێت دێ ئه‌لمانیا ده‌ست ب مه‌شقپێكرنا پێشمه‌رگه‌ى كه‌ت و نێزیكی سه‌د شیره‌تكارێن سه‌ربازی هنێریته هه‌رێما كوردستانێ.
هه‌رچه‌نده ده‌نگویێ وی یه‌كێ هه‌بوو كو هنارتنا ڤێ ژمارا سه‌ربازان بۆ ده‌رڤه‌ی ئه‌لمانیا بریاره‌كا نه‌ده‌ستوریه ل وی وه‌لاتی لێ وه‌زیرا به‌رگریا ئه‌لمانیا ئه‌و یه‌ك ره‌تكر و دیاركر كو ئه‌لمانیا بزاڤێ دكه‌ت پشكداریه‌كا گرنگ هه‌بیت د شه‌رێ دژی داعش دا و هاریكاریكرنا پێشمه‌رگه‌ی ل هه‌رێما كوردستانێ بۆ به‌رهنگاربوونا تیرورێ.
