په‌رله‌مانێ ئورۆپا داخوازا هه‌لوه‌شاندنا حه‌شدا شه‌عبی دکەت
ئەڤرۆ نیوز ، زنار تۆڤی:
ئه‌ڤرۆ پێنجشه‌مبی 5 ته‌موزێ، په‌رله‌مانێ ئورۆپا پڕۆژە بڕیارەک په‌سه‌ندكر و تێدا داخوازكریه کو په‌یوه‌ندیێن دناڤبەرا به‌غدا و هه‌ولێرێ بهێنە ئاسایی کرن و هه‌روه‌سا داخوازا هه‌لوه‌شاندنا حه‌شدا شه‌عبى دکەت.
دلاوەر ئاژگەیی، نوونەرێ حوکمەتا هەرێما کوردستانێ ل ئێکەتیا ئورۆپا دایە دیارکرن “کو ئه‌ڤرۆ پەرلەمانێ ئورۆپا پڕۆژە بڕیارەک دەرکر سەبارەت ب پەیوەندی و ھەڤبەشیا ستراتیجی دناڤبەرا ئێکەتیا ئوروپا و عێراقێ”.
گوتیە ژی “ب روونی داخوازا ئاسایی کرنا پەیوەندیان دناڤبەرا ھەرێما کوردستانێ و بەغدا و جێبەجێکرنا هەموو خالێن دستوری دکەت ب تایبەتی چارەسەرکرنا کێشا سامانێن سرۆشتی”.
هەروەسا گوتیە، د پشکەکا دی یا وی پڕۆژەی دا بەحسێ رۆلێ پێشمەرگێ کوردستانێ د شەرێ داعش دا دکەت و داخوازا ھەلوەشاندنا حەشدا شه‌عبی دکەت.
