په‌رله‌مانێ ئورۆپى هوشداريێ دده‌ته توركيا
ئه‌ڤرۆنيوز:
په‌رله‌مانێ ئورۆپى دوهى پێنجشه‌مبى 8/2/2018، دنووترين روونشتنا خوه دا ل دۆر سياسه‌تا توركيا وپێلا ده‌سته‌سه‌ركرنا وه‌لاتيان كو دژى ئۆپه‌راسيۆنا ل سه‌ر عه‌فرينێ بوون، دبريارنامه‌كێ دا ئه‌و كريارێن توركيا شه‌رمزاركرن.
ل دووڤ ده‌زگه‌هێن راگه‌هاندنێ وبه‌رپرسێن دادوه‌رى ل توركيا، هه‌تا نوكه 600 وه‌لاتيێن توركى كو ره‌خنه ل هێرشا توركيا بۆ سه‌ر رۆژئاڤايێ كوردستانێ گرتين، ژلايێ هێزێن ئه‌منى يێ توركى ڤه يێن هاتينه ده‌سته‌سه‌ركرن.
مالپه‌رێ (يورۆنيوز) به‌لاڤكر كو په‌رله‌مانێ ئورۆپى دبريارناما خوه‌دا ” بزاڤێن وى وه‌لاتى بۆ سانسۆرێ ل سه‌ر ده‌نگێ ره‌خنه‌گران به‌حسكر ووى ده‌زگه‌هێ ئێكه‌تيا ئورۆپى ل دۆر پێشێلكاريێن مرۆڤايه‌تى يێ توركيا بۆ سه‌ر باژێرێ عه‌فرينێ دلگرانيا خوه دياركر”.
په‌رله‌مانێ ئورۆپى دپشكه‌كا دى يا وێ بريارنامێ دا ل دۆر درێژه‌پێدانێ ب هێرشێن ئه‌نقه‌ره ل سه‌ر عه‌فرينێ، هوشدارى دا.
