په‌رله‌مانێ ئيرانێ باوه‌رى ب گۆتنێن رۆحانى نه‌بوو
ئه‌ڤرۆ نيوز:
ئاژانسا ئيرنا يا فه‌رمى يا ئيرانێ به‌لاڤكر كو په‌رله‌مانێ ئيرانێ باوه‌رى ب به‌رسڤێن حه‌سه‌ن رۆحانى نه‌بوو كو ئه‌ڤرۆ گازى په‌رله‌مانى كربوو بۆ دانوستاندنێ ل سه‌ر كاودانێن ئابوورى يێن وه‌لاتى.
ئاژانسێ ئاماژه ب وێ چه‌ندێ كريه كو په‌رله‌مانێ ئيرانێ ئه‌ڤرۆ گازى حه‌سه‌ن رۆحانى كربوو ده‌رباره‌يى پرسا بێكارى و دراڤێن بيانى و ئالۆزيێن ئابوورى و قاچاخچياتيێ پرسيار ئاراسته كربوون.
ئاژانس دده‌ته زانين كو په‌رله‌مانتارێن جڤاتا شورا ئيسلامى باوه‌رى ب به‌رسڤێن حه‌سه‌ن رۆحانى نه‌بوون، ده‌رباره‌يى رێكارێن حوكمه‌تێ بۆ رێگريكرن ل بێكارى و پرسا دراڤێ بيانى و ئالوزيێن ئابوورى و قاچاخچياتيێ.
