په‌رله‌مانێ ئیتالیا دێ ڤه‌كولینێ ل سه‌ر پرۆژه‌یێن ساخله‌میێ كه‌ت
دهۆك، له‌زگین جۆقى:
رێڤه‌به‌رێ گشتی یێ ساخله‌میا پارێزگه‌ها دهۆكێ دیاركر كو قونسلێ گشتیێ وه‌لاتێ ئیتالیا دگه‌ل په‌رله‌مانتارێن ئیتالیا سه‌ره‌دانا پارێزگه‌ها دهۆكێ دان بۆ هندى ژ نێزیك ئاگه‌هدارى وان پرۆژان بن ئه‌وێن رێكخراوێن نێڤده‌وله‌تى یێن وه‌لاتێ ئیتالیا و حوكمه‌تا ئیتالیى ل هه‌رێما كوردستانێ ئه‌نجام دده‌ن ب تایبه‌تى ژى ل پارێزگه‌ها دهۆكێ .
د. نزار عصمه‌ت ته‌یب رێڤه‌به‌رێ گشتیى یێ ساخله‌میا پارێزگه‌ها دهۆكێ دیاركر پشته‌ڤانیا ولاتێ ئیتالیا زۆر یا گرنگه بۆ ساخله‌میێ و داخوازێ دكه‌ین زێده‌تر پشته‌ڤانیى بكه‌ن هه‌تا بشێن پرژۆه‌یێن باشتر یێن ساخله‌میێ ل دهۆكێ دروست بكه‌ین.
