په‌رله‌مانێ دێ ده‌ست ب دانوستاندنێن ل سه‌ر پرسا سه‌رۆكاتيا هه‌رێمێ كه‌ته‌ڤه
ئه‌ڤرۆ نيوز:
ده‌سپێكا حه‌فتيا بهێت سه‌رۆكاتيا په‌رله‌مانێ كوردستانێ و سه‌رۆكاتيا فراكسيۆنان و لژنا قانوونى ل په‌رله‌مانێ كوردستانێ دێ ل سه‌ر پرسا سه‌رۆكاتيا هه‌رێمێ كۆم بن.
فه‌خره‌دين قادر، سكرتێرێ په‌رله‌مانێ كوردستانێ د داخۆيانيه‌كێ دا بۆ تۆڕا ميديايا گۆڕان راگه‌هاند: “بڕياره ده‌سپێكا حه‌فتيا بهێت سه‌رۆكاتيا په‌رله‌مانێ كوردستانێ ل گه‌ل سه‌رۆكێن فراكسيۆنێن ناڤ په‌رله‌مانى و لژنا قانوونى ل په‌رله‌مانێ كوردستانێ ل سه‌ر پرسا دستوورێ هه‌رێما كوردستانێ كۆم ببن”.
سكرتێرێ په‌رله‌مانێ كوردستانێ ئه‌و چه‌ند ئاشكه‌را كر كۆمبوون پشتى وێ ژمارا زۆر كۆمبوونێن پارتى ديموكراتى كوردستان دهێت ئه‌وێن د دو حه‌فتيێن به‌رى نوكه دا هاتينه ئه‌نجام دان، به‌لێ ئه‌وا هه‌تا نوكه هاتيه رووهنكرن، چو رێكه‌فتن د ناڤبه‌را هێزێن سياسى ل سه‌ر پرسا قانوونا سه‌رۆكاتيا هه‌رێما كوردستانێ نه‌هاتيه ئه‌نجام دان.
ئاماژه ب وێ چه‌ندێ ژى كر كو په‌رله‌مانێ كوردستانێ دێ رێكارێن خوه يێن قانوونى ده‌سپێكه‌ت، چونكو ماوێ سه‌رۆكاتيا هه‌رێما كوردستانێ كێم يێ مايى و پێدڤيه هه‌ر چ زوويه، په‌رله‌مان ل گه‌ل سه‌رۆكێن فراكسيۆنان و لژنا قانوونى ئه‌وان پرسان ئێكلا بكه‌ت.
