په‌كه‌كێ ژماره‌كا وه‌لاتيێن هه‌رێما كوردستانێ يێن ره‌ڤاندين
ئەڤرۆ نیوز، قائید میرۆ:
پەرلەمانێ کوردستانێ دوڤچوونا رەڤاندنا سێ وەلاتیێن ھەرێما کوردستانێ ژلایێ چەکدارێن پەکەکێ دکەت و جێگرێ سەرۆکێ لیژنا نافخۆژی دبێژیت، چارەنڤیسێ وان دیارنینە.
نازم کەبیر، جێگرێ سەرۆکێ لیژنا نافخۆ یا پەرلەمانێ کوردستانێ ب ئەڤرۆ نیۆز راگەھاند ” سێ رۆژا بەریا نوکە چەکدارێن پەکەکێ ل دەڤەرا قەندیل چووینە سەر گوندێ زارگەلی و دو وەلاتی و موختارێ گوندی بەرەف جھەکێ نەدیار رەڤاندینە، کو ھەردو وەلاتیێن رەڤاندی کەس و کارێن شەھیدانە.
نازمی گۆتژی” ئەم وەکی پەرلەمانێ کوردستانێ ئەڤێ دەستدرێژیا چەکدارێن پەکەکێ شەرمزاردکەین و کارەکێ بێڕیزی دزانین ھەمبەر کەس و کارێن شەھیدان، نوکە لیژنا نافخۆ مژۆلی کۆمکرنا زانیاریان لدۆر ئەڤان سێ وەلاتیان ژبەرکو چارە نڤیسێ وان دیارنینە.
