په‌نابه‌رێن سورى بۆ جه‌ژنێ ڤه‌دگه‌رنه وه‌لاتێ خوه
ئه‌ڤرۆ نيوز، فاتما مزوورى:
په‌نابه‌رێن سورى يێن ل باكوورێ كوردستانێ و توركيا د بنه‌جهـ ب مه‌ره‌ما ده‌ربازكرنا رۆژانێن جه‌ژنێ ل سوريا، ناڤێن خوه تۆماركرينه ب مه‌ره‌ما ڤه‌گه‌ريان بۆ وه‌لاتێ خوه.
په‌نابه‌رێن سورى پشتى كارێن خوه يێن قانوونى ئه‌نجام داين، به‌رێ خوه داينه ده‌رگه‌هێ سنوى يێ ئونجۆپنار يێ سه‌ر ب پارێزگه‌ها كليێ و هه‌تا نوكه 74 هزار په‌نابه‌ران ناڤێن خوه تۆمار كرينه دا كو ڤه‌گرنه سوريا.
د ڤان رۆژێن ده‌رگه‌هـ بۆ هاتيه ڤه‌كرن دا كو زێده‌ترى حه‌فتيه‌كێ يه 22 هزار په‌نابه‌ر چووينه جه‌رابلۆس، ئه‌زاز، ماره‌هـ، سۆران، ئاك تارين، چۆبانبه‌يلى، عه‌فرين و ئه‌لبابێ.
نه‌هـ 10 رۆژه ده‌رگه‌هـ ل په‌نابه‌رێن سورى هاتيه ڤه‌كرن دا كو ڤه‌گه‌رنه وه‌لاتێن خوه و جه‌ژنا ره‌مه‌زانێ ل وێرێ ده‌رباز بكه‌ن و پشتى جه‌ژنێ جاره‌كا دى ڤه‌گه‌رنه ناڤ كه‌مپێن خوه ل توركيا و باكوورێ كوردستانێ.
13ى خزيرانا 2018ێ رۆژا دووماهيێ يه كو په‌نابه‌رێن سورى ڤه‌گه‌رنه سه‌ر مالێن خوه. پشتى وى ده‌مى سنور ژ به‌ر جه‌ژن و هه‌لبژارتنێن توركيا دێ هێته گرتن. سالا بۆرى 172 هزار و 550 په‌نابه‌رێن سورى جه‌ژن ل سوريا ده‌رباز كربوون و ژ ڤێ هه‌ژمارێ ب تنێ 111 هزار و 620 په‌نابه‌ر ڤه‌گه‌ريابوون.
