په‌يكه‌ره‌ك بۆ شه‌هيد عه‌تا محه‌مه‌د حاجى مه‌حموود هاته دانان
ئه‌ڤرۆنیوز:عه‌زیز ره‌سول
ئه‌ڤرۆ چار سال ده‌رباز دبن ل سه‌ر شه‌هيدبوونا عه‌تا كورێ محه‌مه‌دێ حاجى مه‌حموود سكرتێرێ گشتيێ حزبا سوشياليستا ديموكراتا كوردستانێ وب هه‌لكه‌فتا سالرۆژا شه‌هيدبوونا وى، په‌رده ل سه‌ر په‌يكه‌رێ وى ل ده‌رگه‌هێ گوندێ (گوله خانه) ل ده‌ڤه‌را شاره‌زۆر.
محه‌مه‌دێ حاجى مه‌حموود، بۆ ئه‌ڤرۆنيوز گۆت” ئه‌و رۆژا كو شه‌ر بوو ل ده‌ڤه‌را (مه‌لا عه‌بدوللا) ل كه‌ركووكێ كو تيرۆرستێن داعشێ هێرش ئينابوو بۆ داگيركرنا كه‌ركووكێ، ئه‌ز ل گوندێ گوله خانه بووم ول گه‌ل گوهلێبوونا هێرشا تيرۆرستێن داعشێ بۆ سه‌ر كه‌ركووكێ، ئه‌م چووينه كه‌ركووكێ بۆ پاراستنا وێ”.
ل دۆر شه‌هيدبوونا عه‌تاى، گۆت” ل ده‌مێ شه‌رى ل گه‌ل تيرۆرستان، سێ جاران ژ شه‌هيد عه‌تاى توره‌بووم كو خوه بپارێزيت، به‌لێ ئه‌و به‌رده‌وام بوو ل چوونا پێش ومن دزانى دێ شه‌هيد بيت”.
