پولیسێن فیدرالى بو ئه‌ڤرۆ نیوز ئه‌وان جهان ئاشكرا دكه‌ت كو ژلایێ وان ڤه هاتینه گرتن
ئه‌ڤرۆ نیوز ، نه‌وزاد هلۆرى:
پشتى كو پشكه‌ك ژ هێزێن پێشمه‌رگه‌یێن سه‌ر ب ئێكه‌یا 70ێ یا ئێكه‌تیا نیشتمانیا كوردستانێ سه‌نگه‌رێن خوه بێ شه‌ر بو هێزێن حه‌شد شه‌عبى و پولیسێن فیدرالى بجهـ هێلاى ، فه‌رمانده‌یه‌كێ پولیسێن فیدرالى ژى بو ئه‌ڤرۆ نیوز ئه‌وان جهان ئاشكرا دكه تكو ژلایێ وان هاتینه گرتن ل كه‌ركوكێ.
فه‌ریق جه‌وده‌ت شاكر فه‌رمانده‌یێ پولیسێن فیدرالى دیاركر كو هێزێن وان ده‌ست ب چه‌ند ده‌ڤه‌ر و جهێن كه‌ركوكێ گرتیه و بۆ ئه‌ڤرۆ نیوز گۆت: ( دچارچوڤێ فه‌رمانێن عه‌بادى ئه‌وان چه‌ند ده‌ڤه‌ره‌كێن سه‌ر ب پارێزگه‌ها كه‌ركوك گرتینه وه‌كو كارگه‌ها غازا باشوور ، وێستگه‌ها كاره‌با مه‌لا عه‌بدوللا ، پرا مریه‌م به‌گ ، پرا خالد ، گوندێ سه‌رجه‌لان ، بنگه‌هێ پولیسێن سه‌رجه‌لان ، دوریانا حه‌ویجه ، باره‌گایێ فه‌رمانده‌یا حه‌ویجه ، گوندێ جه‌حیش ، كه‌رتێن ره‌شاد ، گوندێ توبزاوا و گوندێ قرش ته‌به)
