پڕۆژەیێن ستراتیژی یێن ئاڤا ڤەخوارنێ دێ هێنە بجهئینان
دهۆك، لەزگین جۆقی:
رێڤەبەرێ ئاڤا دەوروبەرێن پارێزگەها دهۆكێ دیاركر كو حوكمەتا هەرێما كوردستانێ گرنگیەكا مەزن ب چێكرنا پڕۆژەیێن ستراتیژی یێن ئاڤا ڤەخوارنێ دایە و ئەڤە بوویە ئەگەر ئاڕێشەیا ئاڤا ڤەخوارنێ ل سنۆرێ پارێزگەها دهۆكێ پەیدا نەبیت.
خەلات ئەمین، رێڤەبەرێ ئاڤا دەوروبەرێن پارێزگەها دهۆكێ بۆ رۆژنامەیا ئەڤرۆ گۆت: «نوكە كار د چێكرنا پڕۆژەیێ ئاڤا بەردەڕەشێ دا دهێتە كرن، هەروەسا پڕۆژەیێ ئاڤا خانكێ دێ هێتە بەرفرەهكرن، ل شێخانێ ژی پڕۆژەكێ ستراتیژی دێ هێتە چێكرن، نوكە پتر رازیبوون ل سەر چێكرنا پڕۆژەیێن ستراتیژی دهێتە كرن، داكو بۆ دەمێ چەندین سالێن بهێن ئاڕێشەیا ئاڤا خوارنێ چارەسەرببیت».
گۆت ژی: «د پلانا مە دایە، پتر پڕۆژە بهێنە چێكرن، ب تایبەت پڕۆژەیێن ستراتیژی بۆ دابینكرنا ئاڤا ڤەخوارنێ ل هەموو دەڤەران».
