پۆستەرێن پشتەڤانیا ریفراندۆمێ دێ ب فرۆکان ل دھۆکێ ھێنە بەلاڤکرن
ئەڤرۆ نيوز:
بەرپرسێ رێکخراوا مەند بۆ یەکسانیێ بۆ رۆژناما ئەڤرۆ ئاشکرا کر کو وان ملیۆن پۆستەر بۆ پشتەڤانیا ریفراندۆما سەربخۆیا ھەرێما کوردستانێ ئەوا کو ژڤانە ل رۆژا 25ى ئيلۆنا 2017ێ بھێتە ئەنجامدان چاپکرینە و گۆت: “ل رۆژێن داھاتی ئەڤ پۆستەرە دێ ب رێیا فرۆکان ل سەرانسەری پارێزگەھا دھۆکێ ھێنە بەلاڤکرن”.
ھێرش رەشید، بەرپرسێ رێکخراوا مەند بۆ یەکسانیێ دیار کر کو رێکخراوا مەند ب ھاریکاریا کومپانیا M.R.F و ئاڤا گارە ملیۆن پۆستەر بۆ ھەوا ریفراندۆما سەربخۆیا ھەرێما کوردستانێ چاپکرینە و گۆت: “نوکە ئەڤ پۆستەرە د ناڤ بازاری دا ب رێیا گرۆپێن خوەبەخش ل سەر وەلاتیان دھێنە بەلاڤکرن و ل رۆژێن داھاتی ئەڤ پۆستەرە دێ ب رێیا فرۆکێن ھاتنوچوونێ ل قەزا و ناحیە و کۆمەلگەە و گوندێن سەر ب پارێزگەھا دھۆکێ ڤە ھێنە بەلاڤکرن”.
