پیرە : چوو لایەنێن سیاسی دژی ریفراندۆمێ نینن ، بەلێ هندەکان تێبینی هەنە
ئەڤرۆ نیوز ، هلۆری:
دچارچوڤێ دیدارا زانستیا سەرۆکاتیا زانکویا پولیتەکنیکی یا دهۆک و پەیمانگەها تەکنیکی یا ئامێدیێ کو ل قەزا ئامێدیێ بو چەند کەساتیێن سیاسی ل بارا ریفراندۆمێ هاتبو رێکخستن سەعدی ئەحمەد پیرە ئەندامێ سەرکرداتیا ئێکەتی یا نیشتمانیا کوردستانێ دیارکر کو چوو لایەنێن سیاسیێن کوردستانێ ب ئاشکرایی دژی ریفراندۆمێ نینە بەلکو تنێ هندەکان تێبینی لسەر چەوانیا ئەنجامدان و ب ئارمانج گەهشتنا ریفراندۆمێ هەنە.
پیرەی گۆت ژی: (پێدڤی یە زەمینەسازی بۆ هەموو لایەنێن سیاسیێن کو تێبینی لسەر ریفراندۆم و سەربخوی هەیی بهێتە رەخساندن
داکو ئەو ژی بکارن دانوستاندنێ لسەر بکەن ، نها ل هەرێما کوردستانێ تنێ مە ئاریشەیێن سیاسی هەنە و نابیت چوو لایەنێن سیاسی ریفراندۆمێ ب مولکێ خوە بدانن ، بەلکو پێڤی یە هەموو گەلێ کورد و لایەنێن سیاسی کار بۆ سەرئێخستن و پرسا ریفراندۆمێ بکەن)
فوتو ، هلۆری
